„საშინელების ასი წელიწადი” წიგნია, რომელიც ლავკრაფტის უკვე 100 წლიან შემოქმედებას ქართულ ენაზე მოგვითხრობს, მასში შესულია 15 მოთხრობა და ილუსტრაციები, სხვადასხვა ჟურნალებიდან და გამოცემებიდან, ასევე მისი ბიოგრაფია და საინტერესო ცხოვრებისეული ფაქტები, რომელიც მის უცნაურ და მოკლე ცხოვრებას გამუდმებით დასდევდა. ვფიქრობ ლავკრაფტის ნაწარმოები სივრცის განაწილებისა და დიზაინის მხრივ სტენლი კუბრიკის ნამუშევრებს ჰგავს. ორივე მწერლისა და რეჟისორის გმირები ცვილის ფიგურებს გვანან. ორივე ერთი და იგივეს გვეუბნება „თქვენ წარმოდგენაც კი არ გაქვთ იმ მასშტაბის და მონუმეტნტალიზმის რაც პრეისტორიულ ღმერთებს ჰქონდათ. თქვენ, ადამიანებს მხოლოდ ის შეგიძლიათ რომ იყოთ პრიმიტიულები, შოკირებულნი და ინფანტილური...ბრმები ხართ და ყველაფერს ახსნას უძებნით, რადგან მთავარს ვერასდროს დაინახავთ - ბრიყვი რაციონალიზმით დაავადებულ კაცობრიობას!” მე ამ თარგმანით შევეცადე ლავკრაფტის ღმერთების ენით მესაუბრა, რომლებიც უკიდეგანო კოსმოსში ცხოვრობენ და უსასრულობით კმაყოფილებს არ ადარდებთ კაცობრიობა. ისინი უძრავი და იდუმალნი არიან. წიგნში მოცემულია ექსკლუზიური მასალაც, რომელიც ჯერ არ თაგრმნილა ქართულ ენაზე, (უმეტესობა მოთხრობების პირველად არის ნათარგმნი ქართულ ენაზე). ვთვლი, რომ „საშინელების ასი წელიწადი” ის წიგნია, რომელიც ადამიანის ფსიქიკაზე დიდ შთაბეჭდილებას ახდენს. მისი სიტყვის ძალამ ახალი რელიგიური სექტებიც კი შექმნა.