გთვაზობთ დეკანოზ თეოდორეს 2006 წლის ქადაგებათა კრებულს. იგი ხასიათდება უშუალობით, თანამედროვეობის მძაფრი შეგრძნებით, სამშობლოსადმი სიყვარულისა და ერთგულების განცდით. თვით ქადაგებების ეს კრებული მძაფრად ეხმაურება თანამედროვე ყოფას. იგი მრევლისათვის ჭეშმარიტი ფასოვანებისა და უფასურების, ბოროტისა და კეთილის, სიყვარულისა და სიძულვილის, რწმენისა და ურწმუნოების განმარტებასა და განრჩევას ემსახურება. ამავე დროს, ჭეშმარიტი ფასოვანებისაკენ, სიკეთისკენ, სიყვარულისკენ, გულმხურვალე რწმენისაკენ მოწოდებას წარმოადგენს.