ამ ნაწარმოებით სურვილი მაქვს დაინახოთ სხვა სამყარო, ის რაზეც აქამდე არ გიფიქრიათ, ან გიფიქრიათ. ნაწარმოები შედგება შვიდი თავისაგან, შვიდი, როგორც ძველი სამყაროს მაგიური, საკრალური რიცხვი. ნაწარმოებში განხილულია შვიდი ყველაზე ეგზისტენციალური საკითხი - არსებობა, პიროვნება, ღმერთმა შექმნა ადამიანი - თუ ადამიანმა ღმერთი, სიცოცხლე სიცოცხლის შემდგომ, შეგრძნებები, იდეოლოგიები და კიდევ ბევრი სხვა. წიგნი არ არის დიდი, რადგან თანამედროვე ადამიანს ბევრის კითხვის არც დრო და არც თავი აქვს, როგორც ნიცშე წერს - იმას რასაც სხვები მთელი წინადადებით ამბობენ, სჯობს ერთი სიტყვით ვთქვათ. წიგნის სათაური იდეურია და არა თემატური, მისი იდეა და ჩემი სურვილია იყოს ეს ნაწარმოები ისეთივე განსხვავებული, გნებავთ გამორჩეული სხვა ნაწარმოებებისაგან, როგორი გამორჩეულიც არის ჩრდილოური ნათება, მრავალ ნათებათა შორის.