გამოზამთრება
პირობის წერილი
ჩყოე წელსა ოფდონბრის ბ-ს დღესა ჩვენ ქვემორე ამის ხელის მომწერელი სოფელს ძველ გავაზში მცხოვრებელ მღვდელმა აზარია მირონოვმა და ნიკოლოზ საგინაშვილმა დავწერეთ ესე პირობის წერილი და დავსდევით ჩვენ ორ შუა, მას ზედ რომელ ჩვენ გვქონდა ორთ დავა წისქვილის წყლის რუვზედ და მოვშველდით ჩვენს ჩვენის თანხმობით. ასე რომ მე ნიკოლოზ საგინაშვილმა ჩემს სამიჯნობლიდან წყალს დაუდევი მაშველი, სადაცა გადმოდის იქ, ორი არშინი და ორი ვერშოვი სიგანე, ოთხი ადლი სიგრძეზედ ჩემს მამულში მოგეცა წყლისთვის, ამასთანავე ამ პირობასაც ვდებ მე საგინაშვილი, რომ არ შემეძლოს არასმე ჩაყრა წყლის რუვში, რათა არ შეგუბდეს წყალი და არ მიეცეს ზიანი წისქვილსა. უკეთუ ჩემის მხრიდან წყალი შეგიგუბე და წისქვილი ვაზარალე, შენ სასარგებლოდ სრულებით და ნაღდად გადმოგცე თქვენ მღვდელ აზარია მირონოვს, ჩემი მამული, რაიცა აქ მოხსენებულია. აგრეთვე მე მღვდელი აზარია მირონოვი ვსდებ ამ პირობასა, რომ როგორათაც შენ საგინაშვილი შემოღობამ სამიჯნობელზედ ნახევარსა, მეც მოვალე ვარ იმ კვალად შემოვღობო ნახევარი. უკეთუ ჩემის ბარობიდან ზიანი მოგეცეს რამ შენ საგინაშვილს, მოვალე ვარ, რაიცა ზიანი გექნება გადავიხადო შენს სასარგებლოთ, აგრეთვე მე მღვდელი აზარია მირონოვი მოვალე ვარ, როდესაც ქვიშა მოზიდოს წყალმა რუვში, ანუ ქვა, ან ხე, უნდა შეგატყობინო და შენის თანხმობით ამოვწმინდო და გამოვიტანო შენის მამულიდან ჩემს ხსენებულს ოთხს ადლზედ. უკეთუ ჩვენგანმა რომელიმე პირმა გადავიდეს ამ პირობის წესსა, გადავიხადოთ მართლის სასარგებლოთ. ხელს ვაწერთ ჩვენი ყაბულით ერთმანეთთან.მ
ამან წერა არ იცოდა, ამის თხოვნით ხელს ვაწერ და მოწმეცა ვარ მიხეილ საფაროვი.
პირობის წერილი
1919 წელსა ენკენისთვის 2ბ-სა დღესა ჩვენ ქვემორე ამისი ხელის მომწერლებმა მცხოვრებლებმა სოფელ ძველ გავაზში თედო და იოსება ივანეს ძე ხუციშვილებმა ავიღეთ ვალი ჩვენი საჭიროების გამო შენ მცხოვრებელი ამავე სოფელ ძველ გავაზში გეურქა მარტიას ძე ოხანეზოვისაგან ოთხი ათას ორმოცდაათი თუმანი ნაღდი ფული ექვსის თვის ვადით და ამ ზემორე მოხსენებულის ფულის დასახათრიჯანებლად ჩვენ ხუციშვილებმა დავაგირავეთ ჩვენი საკუთრება მდებარე სასახლე მამული, რომელიც მდებარეობს ჩვენს სოფელში ჩვენი სასახლისა და წისქვილის გვერდით. მოხსენებულ ზომებითა სასოფლო გზიდგან ზემოთ ჩრდილოეთისკენ სიგანე შვიდი საჟენი, სადაც მივა ზომა სიგრძისა სიმონა კიკნაძის მამულის სამიჯნობელზედ, რომელის არის მიჯნებსა შუა: მზის ამოსვლის მხრიდგან ჩვენივე მამულის მიჯნა, დასავლეთის მხრიდან ვანო ხატიაშვილის მამულის მიჯნა, სამხრეთით სასოფლო გზა და ჩრდილოეთის მხრივ სიმონა კიკნაძის მამულის მიჯნა. რომელიც ამ ჩვენგან დაგირავებულ მამულის ფლობელობაში დღეისგანვე შეგიყვანეთ შენ ოხანეზოვი და გაძლევთ სრულს ნებას, რომა მასში შენ გააშენო შენობა გსურდეს ქვითკირისა ანუ ფიცრული და აგრეთვე აღაშენო ხეხილი. ჩვენ არ შეგვეძლება წინააღმდეგობა. ჩვენ ხუციშვილები მოვალენი ვართ, რომ ზემორე მოხსენებულ ვადაზედ ჩვენგან აღებული ოთხი ათას ორმოცდაათი თუმანი ნაღდი ფული ჩაგაბაროთ და რაიცა იყოს შენგან ნაშრომი შენისა და ორის პატიოსანის კაცის შეფასებით ჩაგაბაროთ. შენ შენის მხრივ მამული გაგვითავისუფლო და უკეთუ აქ ხსენებულ ვადას ერთი დღეც გადავაცდინოთ, ჩვენ ხუციშვილებმა, მაშინ ჩვენგან დაგირავებული ზომის სასახლე მამული შენს ფულში და ნაშრომში შენ ოხანეზოვს დაგრჩეს საუკუნოდ და საშვილისშვილოთ, რომელი ჩვენ აქ ხსენებულთ ხუციშვილებს და ჩვენს სახლის მომავალთ ან გვარეულობას არ შეგვეძლოს შემდეგ ვადისა ფულის შემოძლევა და ჩვენგან დაგირავებული მამულის უკან გამოთხოვა. აგრეთვე არ შეგვეძლოს არა რომელიმე დღეს ჯეროვან სასამართლოში გასაჩივრება, სადაც ჩვენ ვიყოთ ყველგან გამტყუნებულნი და თუ რაიმე ხარჯი მოგგვაროთ ჩვენის წინააღმდეგ გასაჩივრებით, მაშინ ჩვენ გარდავიხადოთ შენ ოხანეზოვის სასარგებლოთ და ესე ჩვენგან მონიჭებული პირობებით გირავნობის წერილი დარჩეს სრულს ხსენებულს ძალაში, რაზეც ხელს ვაწერთ ჩვენი სრული ყაბულია თედო ივანეს ძე ხუციშვილი ამის უწიგნობის გამო ამის თხოვნით ამის მაგიერ და ჩემს მაგიერ ჩემს საკუთარ ხელს ვაწერ თედო ივანეს ძე ხუციშვილი.
ამ გირავნობის წერილს ვამოწმეფ თედო და იოსება ხუციშვილების თხოვნით. ძველი გავაზის გამგეობის მწევრი ნიკო ბუთიაშვილი. ძველი გავაზის კომიტეტი სტარი გოვოზსკი კომისსარ. ტელავსკი უეზდ.
წარსული ჩემამდე
ყვარლის რაიონულ სახელმწიფო არქივში დაცულ საარქივო მასალების ჩანაწერებით, თქვენი პაპის, ჭიჭიბოშვილი ლაზარე ლევანის ძის შესახებ, შემონახულია შემდეგი საარქივო ჩანაწერები:
1930 წლის 23 თებერვალს, 1093 მიმართვით ახალსოფლის სასოფლო საბჭოს მიერ გამოგზავნილ განკულაკებულთა სიაში აღნიშნულია:
ჭიჭიბოშვილი ლაზარე ლევანის ძე, ხმის უფლებას მოკლებული, ოჯახში ოთხი სული, მათში ერთი მუშა კაცი, მიწა სამი დესეტინა, ვენახი ერთი დესეტინა, ყავს ერთი ცხენი, ურემი, ღორი 32 სული, (ესენი გადამალული ჰქონდა, რომელიც შემდეგ აღმოჩნდა და იმყოფება კოლექტივის