წიგნში შემავალი სამივე რომანი დღევანდელ რეალობას ასახავს და ფაქტიურად ერთმანეთის გაგრძელებაა. მათში აღწერილი გმირები თბილისში ცხოვრობენ, კარგად იცნობენ ერთმენეთს, საკმაოდ შეძლებულნი არიან, მაგრამ არაკომფორტულად გრძნობენ თავს ირგვლივ გამეფებული უკიდურესად მძიმე სოციალური მდგომარეობის გამო, როცა ქუჩაში უსახლკარო ბავშვები მათხოვრობენ, როცა მოხუცებულებს პენსია საკვებადაც არ ჰყოფნით, ექიმზე, წამალზე და მკურნალობაზე ხომ ლაპარაკიც ზედმეტია, როცა უამრავი უმუშევარი და გაჭირვებულია. ისინი შეძლებისამებრ ცდილობენ მათ დახმარებას და მდგომარეობის შემსუბუქებას, ეწევიან ქველმოქმედებას. ყოველივე ეს კი დიდი სიყვარულის ფონზე ხდება, ყოვლისმომცველი და ყველაფრის გადამლახავი სიყვარულის ფონზე, რომელიც ლეიტმოტივად გასდევს სამივე რომანს.