ალბათ ლიტერატურის ყველა მოყვარულს ახსოვს ცეცხლოვანი, გიზგიზა თვალებიანი, აფექტური და ეფექტური ბოშა ქალი - კარმენი. იგი, უდავოდ, ერთ-ერთი ყველაზე პოპულარული პერსონაჟია ლიტერატურის ისტორიაში, განსაკუთრებით მას მერე, რაც ფრანგმა კომპოზიტორმა, ჟორჟ ბიზემ თავისი ცნობილი ოპერა „კარმენი” შექმნა. მიუხედავად იმისა, რომ თავისუფალი და თავისებური ბოშა ქალი, როგორც ლიტერატურული სახე, სხვა ნაწარმოებებშიც გვხვდება, ყველაზე სახასიათო ვარიანტი მაინც კარმენია - ფრანგი მწერლის, პროსპერ მერიმეს მოთხრობის უმშვენიერესი და ტრაგიკული გმირი.