“რკინის კარს აქეთ და იქით” გივი ალხაზიშვილის რომანია, სადაც ავტორმა ქვეყნის საბჭოთა წარსული, კერძოდ კი საბჭოთა ჯარი ასახა. ყაზარმული ცხოვრება, რომელიც რკინის ფარდით დაგმანულ ქვეყანაში კიდევ უფრო გაუსაძლისი იყო. რომანის გმირი ჯარისკაცულ ცხოვრებას იხსენებს და ეს მისი ერთგვარი რეფლექსიაა, გამოცდილება, რომელიც გმირისთვის ყაზარმის დატოვების შემდეგაც, ყოველდღიურობაში გრძელდება, რადგან ის ბედისწერაა და სწორედ ბედისწერაზე “საუბარი” იყო გივი ალხაზიშვილის მიზანი. საბედისწერო გამოდგა საბჭოთა ტოტალიტარიზმი ყველა ჩვენგანისთვის. მწერალმა თავისი მიზანი განახორციელა და კონკრეტულ ჭრილში წარმოგვისახა ეპოქა.