„მთავარი, რაც ასე გამოარჩევს ანა კალანდაძეს ჩვენი დღევანდელი შესანიშნავი პოეტების გუნდიდან და თავისთავადობასაც ანიჭებს მას, ალბათ, უპირველეს პოვლისა, ერთი შეხედვით უმწეო, ადვილად დასამსხვრევი სინატიფის ძლევამოსილებაა. ასეთი განცდას აღძრავს, მაგალითად, ჩინური ფაიფური ანდა ძველი ქართული მინანქარი. ჩნდება სიმშვიდის მაგნიტური ველი, გაზაფხულის ხასხასა მდელო, გარშემორტყმული მირაჟებად ქცეული ხილვებითა თუ ჩვენებებით, რომლებიც, შეიძლება იმ ქვეყნიდანაც კი, ანუ ჩვენი მარადიული სამყოფელიდან გვევლინებიან და ორი ქვეყნის საზღვაღზე დგომის, თუ შეიძლება ასე ითქვას შემაშფოთებელი სიამით გვავსებენ.“ წერს თამაზ ჭილაძე ანა კალანდაძეზე, მეოცე საუკუნის ერთ-ერთი უმნიშვნელოვანეს ქართველ პოეტზე, ქართული პოეზიის დედოფალზე. ამ აუდიოკრებულის საშუალებით მკითხველსა და მსმენელს საშუალება აქვს კიდევ ერთხელ დატკბეს ანა კალანდაძის პოეზიის განუმეორებელი ხმითა და სტილისტიკით.