ელიოტის პოეზიისა და ლიტერატურული თეორიის ესთეტიკურ პრინციპებს საერთო-მოდერნისტული ხასიათი აქვს. ამა თუ იმ სახითა და ფორმით, ისინი ისეთ განსხვავებულ ხელოვანთა შემოქმედებაში გვხვდება, როგორიც არიან ჯეიმზ ჯოისი და ჯოზეფ კონრადი, უილიამ ბატლერ იეიტსი და ეზრა პაუნდი, თომას მანი და ჰერმან ჰესე, უილიამ ფოლკნერი და გერტრუდ სტაინი. ყველა ამ ავტორს (და სხვა მრავალს) სხვადასხვა ხარისხით ახასიათებს რამდენიმე საერთო თვისება, რომელთა გათვალისწინების გარეშე შეუძლებელია მოდერნიზმზე, როგორც ლიტერატურულ მოვლენაზე საუბარი. ელიოტის პოეზია და მისი ლიტერატურული თეორია მთელი ამ ესთეტიკური მრავალფეროვნების ეპიცენტრს განასახიერებს. წიგნში მოცემულია როგორც ზოგადევროპული, ისე ამერიკული მოდერნისტული ესთეტიკის დახასიათება, ტომას ელიოტის პოეზია განხილულია მოდერნიზმის ვრცელ ლიტერატურულ კონტექსტში.