ერთი რიგითი ფრანგი ექიმის ვივიანა ბონეს ცხოვრება, ერთ დღეში მოულოდნელად იცვლება, მაშინ როდესაც მას სახლისკენ მიმავალ გზაზე ხუთი წლის შვილს ხელიდან გამოსტაცებენ. იმ დღიდან ის ბავშვის გამტაცებლების გეგმის ნაწილი ხდება. მას შანტაჟის მუქარით ქალაქის დატოვება უწევს. ის დროებით საცხოვრებლად მარსელში გადადის. ვივიანა ბონე შვილის გამტაცებლების მოთხოვნით დაქირავებული მკვლელი ხდება. ის თავის პირველ დავალებას თავს კარგად ართმევს, რისთვისაც მას ერთი დღით შვილთან შეხვედრის უფლებას აძლევენ. მეორე დავალების შესრულებამდე ის მის გვერდით მცხოვრებ იტალიელ მეზობელს ლუიჯი მარინოს გაიცნობს. ვივიანა შვილის და თავის გადასარჩენად მას ანდობს, თუ როგორ გახდა ის ერთ დღეს შანტაჟის მსხვერპლი. ლუიჯი მას დახმარებას აღუთქვამს, და პირდება გატაცებული შვილის დაბრუნებას. უკვე მეორე დავალების შესრულების შემდეგ, ვივიანა შვილთან შეხვედრისას მას მოულოდნელად კარგავს, რადგან ბავშვი ხელმეორედ იქნა გატაცებული. ის პიროვნებები რომლის დავალებასაც ვივიანა ასრულებს, ბავშვის ხელმეორედ გატაცებას უარყოფენ. ისინი ვივიანას საქმიდან გასვლას უკრძალებენ. ვივიანა მტრების ბიოგრაფიას და მათ წარსულს სწავლობს. ისინი ყველანი გარდაცვლილი ქმრის მეგობრები არიან. ვივიანა ბონე მათ წინააღმდეგ მიდის, და არც ერთ მათგანს არ ინდობს. ის განსაკუთრებული სისასტიკით გამოირჩევა. მან იცის რომ, ნებისმიერი მისი მტრის სუსტი წერტილი მათი ოჯახის წევრებია. ის მტრის გასანადგურებლად ქალაქიდან ქალაქში გადადის. მტრებს მოსაკლავად როგორც სახლში ეახლება, ასევე გზაზეც უდარაჯებს. მისი მკვლელობის ხელნაწერი კეფაზე ტყვიის ნასროლით გამოირჩევა. მის მიერ ჩადენილი მკვლელობები სერიულ სახეს იჩენს. საფრანგეთის სამართალდამცავები და ჟურნალისტები მის კვალდაკვალ იწყებენ გამოძიებას. როგორც ჟურნალისტებს, ასევე ვივიანას გამოძიების კვალი მის გარდაცვლილ ქმარზე მიჰყავს.