დიურასის შემოქმედება ძალიან მრავალფეროვანია. ზოგი მას ნოვატორული მიმდინარეობის, „ახალი რომანის“ წარმომადგენლად მიიჩნევდა, ზოგიც – ტრადიციული რომანების ავტორად. თუმცა, თავად დიურასი ორივე შეხედულებას უარყოფდა. მისი შემოქმედება ორივე მიმართულების ნაწარმოებებს მოიცავს და მისი ერთ კონკრეტულ მიმდინარეობაში მოქცევა არასწორი იქნებოდა. მარგერიტ დიურასის რომანი „ტარკვინიის პატარა ცხენები"რომელიც 1953 წელს გამოქვეყნდა მოგვითხრობს, თუ როგორ ატარებს ზაფხულს რამდენიმე ფრანგი წყვილი იტალიის ერთ-­ერთ მიყრუებულ სოფელში.ნაწარმოების მთავარი თემა სიყვარულია. როგორც რომანის ერთ ­ ერთი პერსონაჟი ამბობს, "ამქვეყნად ყოველგვარი სიყვარული სიცრუეა. სულ სხვაა მარადიული სიყვარული".