თავფურცელი

ეძღვნება „ იუნიატედისა “ და ინგლისური ფეხბურთის ყველა გულშემატკივარს. 

განსაკუთრებული მადლობა გიორგი კეკელიძეს დახმარებისთვისა და გვერდში დგომისთვის. მის გარეშე ეს წიგნი მზის შუქს ვერ იხილავდა. 
  
” ბიბლიაში წერია : ხუთი დღე სამუშაოსთვისაა განკუთვნილი, მეშვიდე ღმერთის გახლავთ, აი,   მეექვსე კი ფეხბურთის დღეა! ” 
- ენტონი ბერჯერსი 

პროლოგი
„ ინგლისური დაავადება “ - ამ სახელით არის ცნობილი ინგლისური ფეხბურთის ფანების ცხოვრების წესი.   
  
ყოველწლიურად ათასობით ადამიანი ზიანდება საფეხბურთო გარჩევების დროს. დაზიანებები ზოგჯერ მსუბუქი, ზოგჯერ ძალიან მძიმე, ზოგჯერ კი სავალალოა. ინგლისი, ამ მხრივ, ერთ-ერთ მოწინავე ადგილს იკავებს. საფეხბურთო ხულიგნობაძალიან დიდი პრობლემა გახდა მსოფლიოსთვის და კომპეტენტური პირები დღემდე ცდილობენ მის აღმოფხვრას, თუმცა ვერ ახერხებენ. საფეხბურთო ფირმები, იგივე ხულიგნების დაჯგუფებები, თითქმის ყველა ინგლისურ კლუბს ჰყავს და ისინი ყოველიშეხვედრისას იწვევენ ერთმანეთს ჩხუბში, თუმცა ფირმები მხოლოდ ერთმანეთის წინააღმდეგ არ ჩხუბობენ. ისინი არც პოლიციასთან ბრძოლას ერიდებიან და დიდ პრობლემას უქმნიან ქვეყნის უსაფრთხოებას. ადამიანებს, ვინც ამ ბრძოლაში არ არისჩართული, წარმოდგენაც კი გაუჭირდებათ რა ხდება კულისებს მიღმა. ფეხბურთი, ეს არ არის სპორტი, სადაც მხოლოდ ბურთია თამაშში ჩართული. ფანები და მათი დამოკიდებულება ერთმანეთის მიმართ ფეხბურთის მეორე მხარეა, სადაც მუშტი დასიმამაცე უმთავრესია, ხოლო აქ ბურთის ნაცვლად, ადამიანების სიცოცოცხლეა თამაშში ჩართული. 
  
პირველი ფირმები ინგლისის მაშტაბით   1880 წლიდან გამოჩნდნენ და დღემდე შემორჩნენ. მათი მთავარი მიზანია არ სცენ პატივი სხვა ადამიანების არჩევანს და დაიცვან საკუთარი კლუბის სახელი მოედანს მიღმა. საფეხბურთო ხულიგნობადღეს ინგლისის სავიზიტო ბარათია და მის გარეშე წარმოუდგენელია, რომელიმე ინგლისური კლუბების დაპირისპირება. ფირმის წევრობა ნიშნავს ამ დიდი საიდუმლოს სამუდამოდ შენახვას. თუ ხარ ფირმის წევრი, შენ არ გაქვს უფლება ისაუბრო ამისშესახებ, არ გაქვს უფლება დაარღვიო ფიცი, რომელიც არაფრით ჩამოუვარდება ჰიპოკრატეს ფიცს. 
  
ხულიგნების ამოცნობა არც თუ ისე ადვილია. ისინი   ჩვეულებრივი ადამიანები არიან, რომლებსაც აქვთ ჩვეულებრივი სამსახურები, ჰყავთ ოჯახები და შვილები, ელოდებიან ხელფასებს თვიდან-თვემდე და ატარებენ დროს მეგობრებთან ერთად.ისინი არ გამოირჩევიან უცნაური საქციელებით, ისინი არასოდეს იქცევენ ინდივიდიალურ ყურადღებას, მაგრამ როგორც კი საყვარელი კლუბის თამაში ახლოვდება, მათი ჩვეულებრივი ცხოვრება გარკვეული ხნით ქრება. 
ახლა ვდგავარ „ ოლდ ტრაფორდთან “ , ვესწრები სერ ალექს ფერგიუსონის ძეგლის გახსნას და   ხელში მიჭირავს შავით თეთრზე დაწერილი ამბავი, რომელშიც მოყოლილია, თუ როგორ შეგვეყარა „ ინგლისური დაავადება “ მე და ჩემსბიძაშვილს. 

კეთილი იყოს თქვენი მობრძანება მანჩესტერში.