მადლობა:
ყველას, ვინც ამ წიგნის ადრეულ მონახაზებს კითხულობდა. თქვენი სახელი ლეგიონია – ძალიან ბევრნი ხართ საიმისოდ, რომ სათითაოდ ჩამოგთვალოთ, მაგრამ არც ისე ბევრნი, რომ თქვენი სიყვარული ვერ შევძლო. თქვენი გამხნევების წყალობით ვწერდი. თქვენი კრიტიკის წყალობით ვაუმჯობესებდი ჩემს ნაწერს. თქვენ რომ არა, ვერ გავიმარჯვებდი...
კონკურს „მომავლის მწერლებს“, რომლის წყალობითაც შევხვდი ჩემს არაჩვეულებრივ მეგობარს, კევინ ჯეი ანდერსონს. რომ არა მისი რჩევები, სასურველ შედეგს ვერასდროს მივაღწევდი.
მეთ ბაიალერს – საუკეთესო აგენტს. რომ არა მისი ძალისხმევა, გამიჭირდებოდა ჩემი წიგნის გაყიდვა...
ბეტსი უოლჰეიმს, DAW-ს პრეზიდენტსა და უსაყვარლეს რედაქტორს. მის გარეშე თქვენ ამ წიგნს ვერ დაიჭერდით ხელში. შესაძლოა, დაგეჭირათ იგივე დასახელების წიგნი, მაგრამ ასეთი „მეფის მკვლელის ქრონიკა“ მის გარეშე არ იარსებებდა.
და ბოლოს, მადლობას ვუხდი მისტერ ბოუეიჯს, ჩემს ისტორიის მასწავლებელს. 1989 წელს ვუთხარი, რომ ჩემს პირველ რომანში ვახსენებდი. და მე ყოველთვის ვასრულებ დანაპირებს.