მარადიული სიყვარული

მე, ალექსანდრე მჭედლიშილი დავიბადე 1967 წლის 14 ივნისს თბილისში. 1984 წელს დავამთავრე თბილისის მე-60 საშუალო სკოლა. 1985 - 87 წლებში გავიარე სავალდებულო სამხედრო სამსახური. 1994 წელს დავამთავრე საქართველოს ტექნიკური უნივერსიტეტი. სხვადასხვა დროს ვმსახურობდი საქართველოს შეიარაღებულ ძალებში, დაჯილდოვებული ვარ მედლით - "მხედრული მამაცობისთვის". ვარ ცოლშვილიანი, მეუღლე ნინო გერმანეს ასული ჩიჯავაძე მუშაობს თბილისის 51-ე საჯარო სკოლაში მასწავლებლად. შვილები ირაკლი და გიორგი მჭედლიშვილები სწავლობენ. ალბათ არ არსებობს დედამიწაზე მწერალი მეგობრობაზე ,რომ არ დაეწეროს. ხელოვნების ნებისმიერ დარგში მოღვაწე შემოქმედს მუდამ აღელვებს ადამიანის ეს გამორჩეული და ფაქიზი გრძნობა. რაოდენ გაცვეთილიც არ უნდა მოგეჩვენოთ ეს სიტყვები- მეგობრობა ადამიანებს შორის იყო, არის და იქნება სიყვარულის, ურთიერთგაგების, თავგანწირვის და სიკეთის მატარებელი. ჩემს ზღაპარს წინ, პატარა ეპიტაფია მივაწერე, ცნობილი მწერლის ნოდარ დუმბაძის მოთხრობიდან "HELLADOS". ბატონი ნოდარის მთელი ცხოვრება და შემოქმედება მეგობრობაზეა აგებული. მე პირადად (ათი, თორმეტი წლის ვიყავი პირველად რომ წავიკითხე) ამ მოთხრობაში შევიგრძენი, რა არის ნამდვილი მეგობრობა, ურთიერთგაგება თანაგრძნობა და თავგანწირვა.