დათო ქარდავას მოთხრობებში მოქმედება მოულოდნელად ფეთქდება. რუსი საბჭოთა ოფიცერი ცოლზე ეჭვიანობის გამო ჯარისკაცებს ხოცავს. ცალხელა ჭარმაგი ტაქსის მძღოლი მძრაცველებს უსწორდება და ნაძარცვთან ერთად ჯილდოდ ბრუტალური სექსი აქვს მათ თანამზრახველ ქალთან. ჯიბის ქურდი მაშინ ხვდება, რომ სიყვარული ეწვია, როცა მასთან ყოფნის შემდეგ ქალი თავს მოიკლავს. მკვეთრი პერიპეტია მოთხრობათა ფინალში უფრო იჩენს თავს. ეს გარდატეხა, უეცარი შემობრუნება შეიძლება მოხდეს მოქმედებაშიც და პერსონაჟში. მოკლედ, ამ წიგნში ყველაფერი შეიძლება მოხდეს. შავი იუმორი, მსუბუქი თხრობა და სრულიად წარმოუდგენელი ამბები „ნოეს მტრედების“ ლიტერატურულ სამყაროში გელოდებათ.