"ბეგბედერის „ექსტაზის“ პირველი ნოველა ჰაერში ქაღალდის თვითმფრინავებივით უმისამართოდ გაშვებული კითხვებია. ეს კითხვები თითქოს არ ითხოვენ პასუხს, მაგრამ ამავე დროს თითოეული მათგანი წააგავს ქალაქის მტვერში წაქცეული ბავშვის ტირილს.. ხმას, რომელიც არავის ესმის და რომელიც ურბანული სამყაროს ტექნიკურ ხმაურში ჩაკარგულა... არადა, ყველაფრის მიუხედავად ფრანგი მწერლის ამ კითხვებს მაინც მოყვა პასუხი. არა უბრალოდ ექო, არა ინტერპრეტაცია, არამედ სწორედ პასუხი! ქეთი ნიჟარაძის 19 ლექსი პასუხი 19 ყველაზე რთულ კითხვაზე..." (თეონა დოლენჯაშვილის წინასიტყვაობიდან) წინამდებარე კრებული გახლავთ ორენოვანი ქართულ-ინგლისური გამოცემა. ინგლისურად თარგმნა საბა ლეკვეიშვილმა.