აკვირდებოდნენ რა მათ ირგვლივ არსებულ სამყაროს, მეცნიერები მოვლენების ასახსნელად ქმნიდნენ თეორიებს და ავითარებდნენ მათ მომავალი კვლევებისთვის. მაგრამ, რაც უნდა მნიშვნელოვანი იყოს მეცნიერების მიერ შექმნილი პროდუქტი, არანაკლებ საინტერესოა მისი შექმნის მეთოდები და პროცესი, რომელიც ყოველთვის უსაფრთხო როდი იყო. როდესაც ვესალიუსმა გალენის ავტორიტეტთან დაპირისპირება გაბედა, ის მატყუარად და შეშლილად გამოაცხადეს; ძმები მონტგოლფიერების მტკიცებულებებმა მხოლოდ სკეპტიციზმი გამოიწვია;გალილეი და კოპერნიკი ძლივს გადაურჩნენ ჯორდანო ბრუნოს ბედს – კოცონზე დაწვას, როდესაც, მიღებული საეკლესიო დოგმის საწინააღმდეგოდ, მზის სისტემის ჰელიოცენტრული თეორია წარმოადგინეს და კაცობრიობას მომავლისაკენ გზა გაუნათეს.