მასონები

ილუსტრირებული წიგნი უძველესი საძმოს შესახებ. თანამედროვე ფრანკმასონიზმი (ტერმინი დამკვიდრდა ფრანგული სიტყვის – franc-maçonnerie, რაც ქვის მთლელს, ქვის მჭრელს, კალატოზს ნიშნავს), რომელსაც მისი მიმდევრები ხშირად, უბრალოდ ორდენს უწოდებენ, სათავეს იღებს 1717 წლიდან – იმ დღიდან, როდესაც ლონდონში, ტავერნაში „ვაშლის ხე“ ოთხი თუ მეტი ძველი ლოჟის წარმომადგენელი შეიკრიბა და დიდი ლოჟის დაარსება გადაწყვიტა. იმ დღიდან მოყოლებული თითქმის ყველა ქვეყანაში დაარსდა ლოჟა, რომლის განდობილთა შორის მოხვედრაც არაერთ ცნობილ ისტორიულ პიროვნებას მიაჩნდა პატივად. ამ ადამიანთა სია ვრცელი და მრავალფეროვანია. მასონიზმი ზოგან იდევნებოდა, ზოგან კი – ყვაოდა. მასონებმა წამყვანი როლი შეასრულეს უმნიშვნელოვანეს ისტორიულ მოვლენებში, მათ შორის – საფრანგეთის რევოლუციასა და ამერიკის შეერთებული შტატების დაარსებაში. ორგანიზაციის წევრები იმით გამოირჩეოდნენ, რომ მუდამ მზად იყვნენ, დახმარება გაეწიათ თანამოძმე მასონებისთვის, განურჩევლად მათი სოციალური ფენისა, კანის ფერისა თუ სარწმუნოებისა და თვით მასონიზმის განშტოებისა.''მასონები'' მასონთა საზოგადოებისა და მსოფლიოს სხვადასხვა კუთხეში მისი გავრცელების ისტორიაა. წიგნი არა მარტო უძველესი საძმოს ისტორიული ფესვების, მისი სიმბოლიკისა და რიტუალების შესახებ მოგვითხრობს, არამედ იმასაც გვიამბობს, თუ რა გავლენა მოახდინეს ორგანიზაციის წევრებმა (რომელთა შორის იყვნენ ჯორჯ ვაშინგტონი, სიმონ ბოლივარი, ლუი არმსტრონგი, ჯონათან სვიფტი, ისააკ ნიუტონი, ბენჯამინ ფრანკლინი, უინსტონ ჩერჩილი და სხვ.) მეცნიერების, ხელოვნებისა და საერთოდ, ისტორიის განვითარებაზე.