მეხუთე სეზონის ამბები - იმავე სიყვარულის ამბები - რამდენიმე უცნაურ და თითქმის გადარეულ ნოველაში ცდილობს, დაეტიოს. რაღა თქმა უნდა, ამას ვერ ახერხებს და შემდეგი კრებულიც გზაშია! თქვენ გელოდებათ „ცილინდრიანი უცნობი“, რომ საიდუმლოდ დაგავალოთ მთავარი დანაკარგის დაბრუნება, მერე მეკვლედ წაგიყვანთ პეპლების დედოფალთან და დაგაბზრიალებთ მისტიკური სარკის მიღმეთში... საიდან მოდიან ეს ამბები, ჯერ არ ვიცი; ალბათ, არის სადღაც წელიწადის კიდევ ერთი დრო და მასთან წვდომა პერიოდულად მერთვება. მერე მომაქვს იქიდან მისხალ მისხალ–აკენკილი სიტყვები და ფიქრები და გიზიარებთ. გამიზიარეთ თქვენც, სად გირჩევნიათ და რა ფერებში, ვისთან ერთად და როდის გაატაროთ შვიდგზის სახალისო სიყვარულის სეზონი?!