თანამედროვე ვიზუალური ხელოვნება რთული და წინააღმდეგობრივი სფეროა, რომელიც მოდერნისტული საზოგადოებების განვითარების პროცესის ნაწილია. ამ სირთულეებსა და წინააღმდეგობებს სპეციფიური ელემენტები ემატებათ პოსტ საბჭოთა ქვეყნების ხელოვნების უახლეს ვერსიებში. ხათუნა ხაბულიანის სხვადასხვა პუბლიკაციებში ეს სფერო მთავარი თემაა, სადაც ვიზუალური ხელოვნების ინტერპრეტაცია ეპოქის ხასიათისა და მიმდინარე პროცესების გააზრებას უკავშირდება. აქ ხელოვნება საინტერესოა იმ თვალსაზრისით, თუ როგორ ავლენს თავს ის იმ დროში, რომელშიც ვცხოვრობთ.