***(დღე, როცა ვიყავი პეპელა - ) დღე, როცა ვიყავი პეპელა -
მირჩევნია კვირას, როცა ვიყავი ჭიაყელა...
მაგრამ, მადლობელი ვარ
იმ კვირის ამ დღისათვის...
...მე ყოველ დილით ვიღვიძებ და ხელახლა ვქნმი სამყაროს -
ვაფერადებ ცას, ვაღვიძებ მზეს...
მე რომ არ ავდგე ერთ ბედნიერ დღეს
- რა უცნაურია, ეს ქართული -
ერთ ბედნიერ დღეს ხდება ყველა უბედურება! -
რა იქნება ნეტა?
ვინ გააღვიძებს სამყაროს,
ვინ დაიწყებს დილას და მზისას
ვინ დაიკერებს სხივს წამწამებზე?
მე რომ აქედან გავალ, დამპირდი,
რომ ხელახლა შექმნი სამყაროს
ყოველ დილას...
მე არავის ვგავარ და არავინ მგავს -
არც არავის აქვს ჩემნაირი ხმა
და ჩემნაირად არც არავინ იცის სიჩუმეში დუმილი
ვერ გამიგებს ამიტომ სხვა
რა მიყვარს,
რატომ ვირჩევ იმას, თუ ამას
რადგან, მე - მე ვარ
და ხშირად საკუთარ თავსაც არ ვგავარ...