5 კომუნიკაციის პროცესი „ ფორდი “ მოქმედებას იწყებს ბაზარზე „ ფიესტას “ გასატანად
საავტომობილო ინდუსტრიისთვის ბოლო ორი წელიწადი ძალიან მძიმე იყო. ავტომობილების გაყიდვის შემცირება გლობალურმა კრიზისმა განაპირობა. აშშ-ში 2008 წლიდან 2009 წლამდე მანქანების გაყიდვა 17 მილიონი ერთეულიდან დაახლოებით 10 მილიონამდე შემცირდა. აშშ-ის მთავრობას „ ჯენერალ მოტორსის “ (General Motors) მართვის ნაწილობრივ თავის თავზე აღება მოუხდა, რათა კომპანია გადაერჩინა, ხოლო „ კრაისლერი “ (Chrysler) იტალიურმა კომპანია „ ფიატმა “ (Fiat) შეიძინა. „ ფორდ მოტო ქო. “ -მ (Ford Motor Co.), სიდიდით მესამე ამერიკულმა მანქანათმშენებელმა კომპანიამ, მოახერხა ეს კრიზისი ყოველგვარი დახმარების გარეშე გადაელახა და თავისი მდგომარეობა, ზრდის თვალსაზრისით, გაეუმჯობესებინა. „ ფორდის “ სტრატეგიის უმთავრესი ნაწილი გულისხმობდა ყურადღების უფრო პატარა, „ მწვანე “ , საწვავის ეკონომიურად მოხმარებისა და მთელი მსოფლიოსთვის მიმზიდველ მანქანებზე გადატანას, რომლებსაც ერთ პლატფორმაზე აწყობდნენ, რაც უფრო იაფი ჯდება და მცირე მოდიფიკაციით მთელ მსოფლიოში შეიძლება გაიყიდოს. „ ფორდი “ იმედოვნებს, რომ მის ზრდას ხელს შეუწყობს „ ფიესტა “ , მცირელიტრაჟიანი მინი-მანქანა, რომელიც ევროპაში 1976 წელს გამოჩნდა და მას შემდეგ 12 მილიონზე მეტი ერთეული გაიყიდა. „ ფიესტას “ ყველაზე ახალი თაობა ევროპის ბაზარზე 2008 წელს გაჩნდა და 750 000-ზე მეტი გაიყიდა. 2010 წლის შუა პერიოდში „ ფორდს “ „ ფიესტა “ გასაყიდად უკვე აშშ-ში გამოაქვს. მაგრამ კომპანია აცნობიერებს, რომ აქ მას პრობლემების გადალახვა მოუწევს მარკეტინგის თვალსაზრისით, რადგან შტატებში ბაზარზე მანქანებს შორის ეს ყველაზე პატარა მანქანაა, ხოლო ამერიკელების უმეტესობას, ევროპელებისგან განსხვავებით, პატარა მანქანები არ უყვარს. უფრო მეტიც, ის ამერიკელებიც კი, ვინც მინი-მანქანებით მეტ-ნაკლებად დაინტერესებულები არიან, ფორდს მისთვის საინტერესო ბრენდებს შორის, როგორც წესი, არ განიხილავენ. ამდენად, ტრადიციული (მთლიანად ტრადიციულ მედიასა და ინტერნეტს დაყრდნობილი) მარკეტინგული კამპანიის ნაცვლად, ფორდი მკვეთრად განსხვავებულ და ბევრად უფრო რისკიან მიდგომას ირჩევს, რომელიც აგრესიულ სოციალურ პროგრამას გულისხმობს. იმისთვის, რომ თავისი პატარა მანქანების რევოლუცია დაეჩქარებინა, ფორდმა ჩამოაყალიბა მოძრაობა „ ფიესტა “ , რომელმაც ევროპული „ ფიესტას “ სასინჯი ტარებისთვის 100 სპეციალური აგენტი მოიზიდა. ეს პროცესი მთელი წლის განმავლობაში გაგრძელდა მანქანის ამერიკულ ბაზარზე გატანამდე. აგენტები მონაწილეობდნენ ყოველთვიურ ღონისძიებაში (ე. წ . „ მისიაში “ ), რაც მათ საშუალებას აძლევდა, მანქანის ტარებასთან დაკავშირებული საინტერესო გამოცდილება სოციალური მედიის სხვადასხვა საშუალებით მეგობრებისთვის გაეზიარებინათ. მოძრაობა „ ფიესტას “ იდეა 2008 წლის ზაფხულში გაჩნდა, როდესაც „ ფორდის “ ვიცე-პრეზიდენტმა გლობალურ მარკეტინგში ჯიმ ფარლიმ „ ფიესტას “ ბრენდმენეჯერ სემ დე ლა გარზას ჰკითხა, რა შეიძლებოდა კომპანიას ეღონა, თუკი 1000 ევროპული „ ფიესტას “ შტატებში შემოტანას გადაწყვეტდა. ე. წ. „ გონების იერიშზე “ ნაირგვარი იდეები წარმოიშვა, მათ შორის: სასინჯი ტარების ტური, მანქანის სადემონსტრაციოდ მოწყობილი ღონისძიება, ადგილზე გამოფენაც კი. მაგრამ „ ფორდის “ მარკეტინგის გუნდმა შეამჩნია, რომ „ ფიესტას “ მომხმარებელთა სამიზნე ბაზარიზე ცვლილებები მიმდინარეობდა. ბეიბი-ბუმერებსა და X-თაობას მილენიუმელების თაობა ენაცვლებოდა, რომელიც უფრო კომფორტულად თავს არატრადიციულ მედიასთან (ბლოგი, „ ფეისბუკი “ , „ ტვიტერი “ , იუთიუბი) ურთიერთობისას გრძნობდა. „ ფორდმა “ ამ ახალ მყიდველებს „ ლაიფსტრიმერები “ (ადამიანი, რომელიც ელექტრონულ დღიურს აწარმოებს) დაარქვა, რადგან ისინი „ ფეისბუკზე “ თავიანთ სტატუსს გამუდმებით აახლებენ და „ ტვიტერზე “ განუწყვეტლივ წერენ ან ლაპარაკობენ ყველაფერზე, რაც მათ ცხოვრებაში ხდება: სიმღერაზე, რომელიც მოეწონათ, საქმიანობაზე, რომლითაც დაკავებულები არიან, „ საკაიფო “ მანქანაზე, რომელმაც ეს-ესაა ჩაიქროლა. სწორედ ამ სამიზნე აუდიტორიის გათვალისწინებით დაიწყო „ ფორდმა “ მუშაობა თავის სარეკლამო სააგენტო „ დეტროიტის გუნდთან “ ერთად (Team Detroit). კომპანია „ გონების იერიშის “ გამოყენებით ცდილობდა დაედგინა ხერხები, როგორ ეიძულებინა მომხმარებელი, „ ფიესტა “ შეეძინა. მათ მოძრაობა „ ფიესტას “ იდეა დაამუშავეს და საქმეში წარმატებით ჩართეს ციფრული ანალიტიკური ცენტრი „ ანდერკარენთი “ (Undercurrent) ნიუიორკიდან, რათა სასინჯი ტარებისთვის მაქსიმალურად სარგებლიანად გამოეყენებინათ არა უმეტეს 100 კაცისა. „ ფიესტას “ 100 აგენტი 4000-ზე მეტი მომხმარებლისგან შეირჩა, რომლებსაც უნდა შეექმნათ „ იუთიუბზე “ ვიდეორგოლი, სადაც ერთი მარტივი კითხვა იქნებოდა დასმული: „ რატომ გინდათ ატაროთ „ ფორდ-ფიესტა “ ექვსი თვის განმავლობაში? ” მონაწილეები შეარჩიეს მათი სამეწარმეო სულისკვეთების, სოციალურ ქსელებში მიმდევრებისა და მეგობრების რაოდენობის, სოციალური 144 თავი 5 კომუნიკაციის პროცესი მგრძნობელობისა და კრეატიული ხედვის მიხედვით. ეს ხალხი
ჩუქება
