საკმარისია, წიგნის მაღაზიაში ან ჯიხურში თვალი მოვკრა აგათა კრისტის რომელიმე დეტექტივს, რომ ჩემი განწყობა მყისიერად იცვლება და გადავდივარ მწერლის სამყაროში. სურვილი მიჩნდება, ვიყიდო, სახლისკენ მივიჩქარი, თვალი რომ გადავავლო თუნდაც ბავშვობაში წაკითხულს. გარდა იმისა, რომ აგათა კრისტის ნაწარმოებები მაღალღირებულ ლიტერატურულ თვისებებს ატარებს (თარგმანს გააჩნია), მისი კითხვისას სწყდები თანამედროვე ცხოვრების ორომტრიალს, ხშირად თავს აიგივებ მის გმირებთან და შეიძლება ისე დაგათენდეს, რომ ვერც კი გაიგო. მწერლის ყოველი რომანი ულტრათანამედროვე დეტექტივებისგან იმითაც განსხვავდება, რომ არ გაშინებს და მისი კოლიზიები მყარად იბუდებს მკითხველში. – გიზო ჟორდანია