ღირსების ჯვარცმა წინასიტყვაობა
სიმართლე ასეთია...
კი უდავოდ, ერთი ცნობილი ლიტერატორი, რომელსაც თავი დიდ ვინმედ მოაქვს, რომ არ მოველოდი ისე, ფანატიკოსი ქრისტიანის პოზიციიდან მიუდგა ჩემს ამ მოთხრობას... მეც ისღა დამრჩენოდა, რომ განმარტებებით გამოვპა-სუხებოდი... რამაც მას კარგი სამსახური გაუწია... ის, რაც წამების წინ დაგმო... წამების მერე იმითვე „ აღფრთოვანდა “ ...
ჰოდა, ეგებ-მეთქი ვიფიქრე... რატომაც არა!..
მეც ეს ჯადოსნური განმარტებები გადავწყვიტე ჩემი მოთხრობისათვის საკონკურსოდაც წამემძღვარებინა... კარგი იქნება, ჟიური გაგებით მოეკიდოს ჩემს ამ მცდელობას...
ასე რომ, გთხოვთ, ინებეთ:
ბუნებაში შეუძლებელია ისეთი ინტელექტუალი პირის დაშვება, რომელიც ღვთის ძეზე, იესო ქრისტეზე მარიამის ორსულობის პერიოდს, ყოველგვარი დაეჭვების გარეშე, მისი ცხოვრების ისეთ მშვიდ პერიოდად დასახავდა, როგორც ეს ბიბლიაშია აღწერილი... ეს ღმერთმა ნუ ქნას!..
დაისმის კითხვები... ჩნდება ცნობისწადილები ღვთისმშობელსა და მის დედ-მამას შორის, ღვთისმშობელსა და მის საქმროს შორის, ღვთისმშობელსა და მთელ „ სოფელს “ შორის... ბუნებრივი ადამიანური დაპირისპირებების გარდაუვა-ლობის შესახებ...
დაისმის კითხვები... ჩნდება ცნობისწადილები ღვთისმშობელსა და მამა ღმერთს შორის გარკვეული ურთიერთდამოკიდებულებების არსებობის შესახებ... თუნდაც გამოცხადებების, ან ხილვების დონეზე...
დაისმის კითხვები... ჩნდება ბუნებრივი ცნობისწადილები იესო ქრისტეს მიერ ადამიანურ ცხოვრებაზე უარის თქმის გამო...
დაისმის კითხვები... ჩნდება ცნობისწადილები იესო ქრისტეს ჯვარცმასთან მამაღმერთის დამოკიდებულების და... სხვათა და სხვათა შესახებ...
რადგან დაისმის კითხვები და ჩნდება ცნობისწადილები, თანმიმდევრულად საღვთო ისტორიებით გატაცებულ ინტელექტუალებში, უდავოდ და უტყუარად გაჩნდება მოთხოვნილება მიიღონ პასუხები ამ ყველაფერზე, თუნდაც მხატვრულ-ლიტერატურული გააზრების დონეზე.
ჰოდა, თუ დედამიწაზე არსად სხვაგან და პირველად ეს, აქ, ჩვენს პატარა საქართველოში, ჩემი ამ მოთხრობით „ ღირსების ჯვარცმით “ მოხდა... უდავოდ ეს უკვე არის მსოფლიო ლიტერატურული მოვლენა!.. ეს ღმერთმა ქნას!!!
ღირსების ჯვარცმა
საოცარია!..
ამ სიტყვას... ზოგჯერაც უნებლიეთ, ზოგჯერაც უდროოდ და უადგილოდაც ამბობენ... იგი მაშინ ამოიძახებდა, როცა განცდები შესძრავდა და შეაქანებდა!..
ადამიანებს სჩვევიათ ამჩატება... ადამიანებმა გადარევაც იციან...
რწმენის ამოტრიალების სურვილი როგორ არ გასჩენია... ყოველთვის ქონდა და აქვს... თუმცა ასეთი ძალის... არც არასოდეს... მოუნდა სცოდნოდა, როგორ გაჩნდა პირველი ადამიანი!.. აი, ეს არის თუ არის ცოდნა!.. ეს ის ისტორიაა, რომელიც ყველაზე მიუწვდომელი იდუმალებითაა მოცული... რომელიც გინდა იცოდე და... გჯეროდეს!..
ადრეულ ახალგაზრდობაში შიგანაგად გრძნობდა, რომ ამ მიუწვდომელ იდუმალებაშიც შეეძლო შეღწევა... ფარდის ახდაც შეეძლო... ისიც გონებით რამდენჯერმე წაეთამაშა მას!.. თუმცა მის სიღრმეებში არა და არ შეტოპა... მასაც სამყაროს უმნიშვნელოვანესი საიდუმლოს ამოხსნა სხვა დროისათვის გადაჰქონდა... იქამდე გადასწია, სანამ თავისი შესაძლებლობა ხელიდან არ გაუშვა... ისიც მიხვდა, რომ აღარ შეეძლო... მიხვდა, რომ ვეღარასოდეს შესძლებდა!..
ვაჟიც დიდ გაუგებრობაში ჩავარდა... თვით განსჯა წამოიწყო... თავისი თავის გაუკვირდა და ჩვეულებისამებრ, - საოცარიაო!.. წამოიძახა. მიხვდა რომ შუაზეც გაიხლიჩა... ეს პირველად არ დაემართა... არც მეორედ...
- ჩვენც მოდი... ადამიანის გაჩენის ბიბლიური ვერსიები დავიჯეროთ! - ჩაესმა კარგად ნაცნობი შინაგანი ხმა... ხმა, რომელმაც იცოდა როგორ და რა დროს...
- წარსულის აჩრდილებს თავი მოვატყუებინო?! - შეცბუნებით გამოეპასუხა...
- სხვებივით მოვიქცეთ!..
- ... თვითონ მოვიტყუო თავი?!.
- ღმერთის სახელით მოლაპარაკე ადამიანებს მივენდოთ!..
ვაჟს ენა დაება... იქვე, წამიერი უსიტყვობა ჩამოვარდა... წამის მერე კი...
- ღმერთმა, ადამ და ევას სახით ადამიანის სხვა მოდელი შექმნა! - თქვა არაერთგვაროვნად...
- ფიქრობ.... ევასა და ადამის ცდუნებით ადამიანი სატანამ შექმნა?!.
- მე დაბნეული ვარ!..
- მაშინ ადამიანის შექმნის დარვინისებული ვერსია მაინც დავიჯეროთ?!.
- ვცდილობთ და ვერ ვახერხებ?..
- ჰოდა, ისღა დაგვრჩენია, თვითონ ავხსნათ ეს საიდუმლო!..
იცოცხლეთ, კარგი იქნებოდა!.. აღმოხდა გულის სიღრმეში... აღმოხდა თუ არა, აღზევებულმა ადრეული ახალგაზრდობის დროინდელი იმედოვნება დაიბრუნა... მთელი თავისი არსებით შთაგონდა... იცოდა, რომ ეს შეუძლებელი იყო... ისიც ფიქრობდა, რომ შეუძლებელსაც შეძლებდა. ვაჟიც ტვინის ჭყლეტას მოჰყვა და ჩაფლავდა. ერთხელ... მეორედ... მალე მისი ეს მცდელობა ამაოებას დაემსგავსა... ჰოდა, ისიც გონს მოეგო და ტვინის ჭყლეტა შესწყვიტა... მანაც ადამიანის გაჩენის უტყუარი ცოდნა ვერ დადო, თუმცა არც ბოლომდე გაწბილებულა... იგი სხვა რაიმეს მიხვდა... უტყუარად, მიხვდა, რომ... მარადიულ სამყაროში სიცოცხლის წარმოშობას სათავეს ვერავინ დაუდებდა... იტყვი, რომ ეს მილიონი, ან ბილიონი წლის წინათ მოხდა!.. იქვე, თუ კარგად ჩაუღრმავდები სასაცილოდაც არ გეყოფა... რადგან მარადიულ სამყაროში ნებისმიერი რიცხვი ნულის ტოლია და სხვა არაფერი... მარადიულობა ის წრეა, რომელზეც საწყის წერტილს ვერ მოძებნი... ჩვენი სამყაროც გაუგებრობის სამყაროა... ღმერთმა შექმნა ადამიანი... ჰო, მაგრამ რამ შექმნა ღმერთი?!. ღმერთი შექმნა იმანომ... ჰოდა, რამ