პრაქტიკული ხელსაწყოები ტრენერებისათვის

განსაკუთრებით რეკომენდირებულია: ბიზნეს (ფსიქოლოგიის) ტრენერებისთვის, მომსახურების და გაყიდვების სფეროში მოღვაწე ტრენერებისთვის; რას ნიშნავს სწავლების ხელსაწყო? სწავლის ხელსაწყო ასოციცირდება მეთოდებთან, რომლებიც გვეხმარება სწავლაში, მუშაობაში, თეორიის პრაქტიკაში გარდაქმნაში და მისი გამოყენება განსაკუთრებით არსებითია ტრენინგ პროცესებში. რა არის სწავლების ხელსაწყოს ტრადიციული დამხმარე საშუალებები? დაფა, „ფლიფჩარტი“, თაბახის ფურცლები, კომპიუტერი, ვიდეო, პროექტორი, წიგნები, დოკუმენტები, გრაფიკები, სასწავლო გამოფენები, რუკები, ფილმები- ეს ყველაზე გავრცელებული მედია საშუალებებია. სასწავლო ხელსაწყოების საჭიროება მსოფლიოში, რადგანაც თავად სამსახურები მულტიკომპლექსურია, ასევე სწავლების მეთოდებიც კიდევ უფრო მრავალფეროვნებას მოითხოვს და აღნიშნული მედია, ტექნიკური საშუალებები აღარ წარმოადგენს სასწავლო პროცესებისთვის ყველაზე მნიშვნელოვან ფაქტორებს. მთავარი დასაყრდენი სასწავლო ეფექტიანობისთვის, არის გარემო, სადაც შერწყმულია თეორია როლურ თამაშებთან, სიმულაციებთან, ქეისებთან, „ენერჯაიზერებთან“ და სხვა ხელსაწყოებთან. წიგნში წარმოდგენილია პრაქტიკული სავარჯიშოები -იგივე ტრანსფორმაციული ხელსაწყოები, რომლებიც არის გამტარი ცოდნასა და გაგებას შორის, ინფორმაციის მიღებასა და გამოყენებას შორის. სავარჯიშოები რთავს მონაწილეებს პრაქტიკულ სიტუაციებში, სადაც ტრენერის დახმარებით, თავად პოვლობს კითხვებზე პასუხს და შეუძლია ინფორმაციის გარდაქმნა რეალურ ცხოვრებაში. მონაწილე გადის გამოცდას, საიდანაც ცხადად ჩანს მისი დამოკიდებულება, მეთოდები და ტექნიკური შესაძლებლობები, რაც მთავარია უნარები. მიზანი: * გავხადოთ სწავალა პრაქტიკული და ეფექტიანი ხანგრძლივ პერიოდში * ტრენინგის პროცესი იყოს შედეგიანი და სასიამოვნო * გავამდიდროთ სასწავლო მასალა და მეთოდები * შევძლოთ მონაწილეებთან ინფორმაციის სრული ტრანსფორმაცია * მონაწილეებმა განიმტკიცონ, განივითარონ ცოდნა და უნარ-ჩვევები კატეგორია: სავარჯიშოების კრებულში წარმოდგენილია მხოლოდ 3 მიმდინარეობა და კატეგორიები დასაყოფად გამოყენებულია აკრონიმი M.I.T კატეგორია: M დამოკიდებულების მიმართულება M =Meeting, ნიშნავს შეხვედრას სავარჯიშოებში შესულია: * მონაწილეების გაცნობა & დაახლოვება დადებითი გარემოსთვის * გუნდურობა * შესამზადებელი დავალებები სასწავლო მასალების უკეთ აღსაქმელად * საკომუნიკაციო სავარჯიშოები მოსმენაზე, მხედველობით კონტაქტზე და სხვა. კატეგორია: I განწყობის მიმართულება I =Interest, ნიშნავს ინტერესს სავარჯიშოებში შესულია: * დადებითი მუხტის გადამცემი სავარჯიშოები * „ენერჯაიზერები“ * სანქციები კატეგორია: T ანალიზური მიმართულება T= Transformers, ნიშნავს გარდამქმნელებს, ტრანსფორმერებს, გადამცემ საშუალებებს სავარჯიშოებში შესულია: * დამარწმუნებელი სავარჯიშოები * ანალიზური სიტუაციები * ქეისები * სიმულაციები