"როდესაც "არტარეას" ეზოში პროექტის "წერე ქართულად" წარდგინებას დავესწარი, მივხვდი, რომ ამ იდეისთვის მეც შემეძლო მცირე წვლილი გამეღო. გადავწყვიტე, პატარა ამბებად გადმომეცა ჩემი თავგადასავლები, რომელიც ქართულ დამწერლობასთან დაკავშირებით სხვადასხვა ქვეყანაში გადამხდა. ყოველთვის, სადაც არ უნდა ვიყო, ყოველივე ქართულის პოპულარიზებას ვეწევი. მათ შორის ჩვენი საამაყო დამწერლობაა. სწორედ ჩემს ასეთ დამოკიდებულებას მივაწერ ამ უამრავ შემთხვევას, რომელმაც თავი ამ წიგნში მოიყარა." - გოგა ჩანადირი