შესავალი
თქვენ გადმოწერეთ ენერჯაიზერების და ყინულის გალღობის სავარჯიშოები ტრენერებისათვის
შ ე ს ა ვ ა ლ ი -რატომ უნდა გამოვიყენოთ ენერჯაიზერები და აღნიშნული აქტივობები?
აღნიშნული აქტივობები რეკომენდირებულია ნებისმიერი ტრენერის ან ფასილიტატორისათვის, რომელსაც უწევს მუშაობა ჯგუფებთან ფორმალურ ან არაფორმალურ გარემოში.
მსგავსი აქტივობები გამოიყენება მრავალი მიზეზით, როგორიც არის: მონაწილეების გაცნობა, ერთმანეთთან დაახლოება, დადებითი გარემოს შექმნა, ენთუზიაზმის ამაღლება, ინტერესის დონის შენარჩუნება, ჯგუფის -გუნდად გარდაქმნა, განტვირთვა და რაც მთავარია ტრენინგის გამრავალფეროვნება, გამდიდრება.
კონცეფცია, რომელიც ეფუძნება მონაწილეების გაცნობას, დაახლოებას, კომუნიკაციას -მიკუთვნებულია „ Ice-Breaker ” -ის, ყინულის გალღობის სავარჯიშოებს.
მონაწილეები თუ არიან დაღლილები, სჭირდებათ განტვირთვა, თემიდან თემაზე გადართვისთვის ინტერესის ამაღლება, დაძაბულობის მოხსნა, მოძრაობა, ენთუზიაზმი, მაშინ გამოიყენება ენერჯაიზერები. სხვა აქტივობები კი, დაფიქრებისთვის, პრობლემის იდენტიფიცირებისათვის, ასევე ანალიზისათვის, საკითხისადმი შემოქმედებითობის ამაღლებისათვის და მსგავსი თემებისთვისაა.
აქტივობებისას გასათვალისწინებელი საკითხები:
►გამოიყენეთ ენერჯაიზერები ხშირად, როდესაც შეატყობთ რომ მონაწილეები არიან გადაღლილები და სჭირდებათ განტვირთვა; სავარჯიშოს გამოყენებამდე, აქტივობას შეხედეთ მონაწილის მხრიდან და შეეცადეთ, რომ ზუსტად შეარჩიოთ ისინი მათთვის;
►შეარჩიეთ ისეთი ენერჯაიზერი, რომელშიც ყველა შეძლებს ჩართვას, მონაწილეობას და არ იქნება სენსიტიური, რომელიმე წევრისთვის;
►განსაზღვრეთ ყველანაირად უსაფრთხოება და აქტივობისათვის სივრცე, საჭიროებები (მასალა) ოთახის მოწყობილობა და მდგომაროება;
►შეეცადეთ არ გამოიყენოთ ბევრი საკონკურენციო თამაში ერთად, რათა არ შეიქმნას დაძაბული გარემო; გაამხნევეთ მონაწილეები;
►შეეცადეთ სავარჯიშოები არ გაგრძელდეს დიდხანს, რადგან ეს არის ხანმოკლე განტვირთვის პროცესი;
►თავადაც ჩაერთეთ პროცესში, თუ მონაწილეებს სჭირდებათ მაგალითი;
►კომპიუტერებიან ოთახში გამოსაყენებელი აქტივობა აღინიშნება C-თი.