ქამელეონები. ქ ა მ ე ლ ე ო ნ ე ბ ი
„ კართაგენი უნდა დაინგრეს... “
მარკუს პორციუს კატონი (უფროსი)
2011წელი. 26 მაისი 00 : 11წუთი. რუსთაველის გამზირი.
მომიტინგეები ყველა მხრიდან ალყაში იყვნენ მოქცეული. გამოძახებული ზონდერ ჯგუფები რამდენიმეჯერ აღემატებოდნენ მომიტინგეების რაოდენობას. შეკრებილ ხალხში მესამედი ქალები, მოხუცები და არასრულწლოვანები იყვნენ. დარბევა ქაშუეთის მხრიდან დაიწყო. ძლერი წყლის ჭავლით ჩარეცხეს ტრიბუნა. მასზე იმ დროისთვის უმეტესად ქალები იმყოფებოდნენ და ისინი ძლივს ჩამოიყვანეს იქვე მდგომმა მამაკაცებმა.შეიძლება წყლის ჭავლს ტრიბუნიდან გადაერეცხა და ძლიერი დაზიანებები მიეღოთ.
კოკისპირული წვიმა ერთი წუთითაც არ წყდებოდა. შტურმი ყველა მხრიდან დაიწყო გასაქცევი არსად არ სჩანდა. გამხეცებული ზონდერები ბავშვებსაც არ ინდობდენენ. რუსთაველზე სისხლის გუბეები დადგა.
* * *
მიტინგზე ფრიდონ ბოკუჩავაც იყო მისული ორ თავის მეგობართან ერთად. მიტინგის დარბევის დროს ერთმანეთი დაკარგეს. რადგან ყველა ქუჩა გადაკეტილი იყო ფრიდონი თავისუფლების მოედნისაკენ გაიქცა. იფიქრა ეს გზა მაინც იქნება გახსნილიო. ყოველი მხრიდან ტყვიების ზუზუნი ისმოდა. ზურგი საშინლად აეწვა, ეტყობა რამდენიმე მათგანი მოხვდა. როგორც ჩანდა ყველას დამიზნებით ესროდნენ. ყოველ ორ მეტრში გაზის ბალონები ცვიოდა. ფრიდონმა პირზე ცვირსახოცი აიფარა და ისე განაგძო სირბილი. „ თავისუფლების “ მოედანზე მეტროს ჩასასვლელი პოლიციელებს გადაეკეტათ და მეტროში არავის უშვებდნენ. ქვემოდან შავებში ჩაცმული სპეცნაზი ამოდიოდა. რამდენიმე კაცი უნივერმაღ „ თბილისის “ გარშემო შემოვლებულ მესერს გადაახტა. ფრიდონიც იქეთ გაიქცა მაგრამ წამოეწივნენ და თავში რაღაცა ჩაარტყეს. თვალთ დაუბნელდა და გრძნობა დაკარგა. წყალმა გამოაფხიზლა. პირქვე იწვა და ხელები ზურგსუკან
ჩუქება
