ინდური ანდერძი
რატომ დადიხარ წრეზე, ვითარცა ხარი, რომელიც კალოს ლეწავს,
შენ ადამიანი ხარ და ხარზე მეტი მოგეთხოვება.
შენი ცხოვრების ეს მონაკვეთი გაილეწა,
შენ კი წრეს უვლი, უვლი და უვლი...
რატომ აგინებ ზეცას და წყევლი მიწას,
მათ მოგცეს შენ სული და სხეული.
რატომ ეჩხუბები მოხუც მშობლებს,
მათ გაგზარდეს შენ და მოგცეს ყველაფერი,
რისი მოცემაც შეეძლოთ.
თუ მეტი გსურს, მაშინ წადი წინ -
ხე ხომ არ ხარ, რომელსაც მოძრაობა არ შეუძლია?!
თითოეული წრე ეს შენი ცხოვრების ერთი წელია;
და არ გეგონოს, რომ შენ ათი წრე შემოუარე.
სინამდვილეში ერთი წრეა - ათზე გამრავლებული,
რადგან პირველად ვერ ისწავლე ვერაფერი,
ვერც მეორედ და ვერც მეათედ.
ბრაჰმანები დადიან წრეზე...
ქშატრიები დადიან წრეზე...
ვაიშები დადიან წრეზე...
შუდრები დადიან წრეზე...
შენ შეგიძლია გახვიდე წრიდან -
გახდე პურუშა - ღვთაებრივი ადამიანი!
შენი ფიქრი კარგია,
შენი გრძნობა კარგია,
მაგრამ იმოქმედე, რადგან ბჰურლოკა -
ფიზიკური სამყარო ითხოვს მოქმედებას!