„ნატას სახიფათო თამაში და სხვა ზღაპრები“ 2005-2013 წლებში დაიწერა და ნამდვილი ამბებია მცირე ცვლილებებით. ბავშვობა ცხოვრების ყველაზე საინტერესო პერიოდია, რადგან ის სისულეები, რომლებიც ადამიანის ზრდასრულ ცხოვრებას სრულიად აუტანელს ხდის, ამ დროს არავის აწუხებს. ხანდახან მგონია, ერთმანეთის მხოლოდ იმ მარტივი მიზეზით არ გვესმის, რომ კარგად ნაცნობ და თითქოს გასაგებ სიტყვებს ყველა განსხვავებული მნიშვნელობით ვიყენებთ. ჩემი ზღაპრების გმირები არიან ჩემთვის საყვარელი ბავშვები ან ჩემი საყვარელი თვისებები. დიახ, შეიძლება თვისება თვითონ იქცეს პერსონაჟად, რომ ამბის მოყოლაში დამეხმაროს. ასე რომ, აი, მცდელობა გავიგოთ, რატომ არ გვესმის ერთმანეთის, - მცდელობა დავინახოთ ბავშვები უფროსებისა და უფროსები ბავშვების თვალით. გარეკანის ავტორია ნანუკა კუტიბაშვილი