მზის პირამიდა. მ ზ ი ს პ ი რ ა მ ი დ ა
საოცრად ცხელა თბილისში ზაფხულობით. ეს ბოლო ორი წელი მაინც ისე დაცხა გეგონება ბუნება გადაბუგვას გვიპირებსო. ივლისის ბოლო დღეებია. ბავშვები და ახალგაზრდობა უკვე გახიზნულები არიან თბილისიდან, ძირითადათ სოფლებში. ქვეანაში უმუშევრობა მძვინვარებს. დასაქმების არავითარი პერსპექტივა არ სჩანს.
ადრე, კარგ დროს, ამ პერიოდში საღამოობით ეზოები ივსებოდა. ზოგს რა ჩამოჰქონდა სახლიდან, ზოგა რა. კიტრი, პომიდორი, ყველი, ბარის ლუდი. ორ ბოკალს ჭაჭის არაყიც მოყვებოდა და გვიან ღამემდე იყო ქეიფი ეზოებში. მეორე დღეს ყველანი სამსახურებში მიდიოდნენ და საღამოს ისევ თავიდან იწყებოდა. ასე გრძელდებოდა პარასკევამდე. პარასკევს თბილისი კიდევ უფრო იცლებოდა. კაცები ბაზრებში დაიტვირთებოდნენ სურსათ-სანოვაგით და ჰერი სოფლებისაკენ ცოლ-შვილის სანახავად.
შეიცვალა ყველაფერი. ქალები საშოვარზე არიან წასულები. ზოგი თურქეთში უვლის მოხუცებულ ადამიანს და ზოგი საბერძნეთში. მამაკაცების უმრავლესობა სამუშაოს გარეშეა დარჩენილი, არიან სახლებში და ცოლის გამოგზავნილ ორ კაპიკს ელოდებიან. მთელი ფული 5%-ის ხელშია და ისინიც შავი ჯიპებიდან ისე იყურებიან თითქოს მარსზე იყვნენ დაბადებულები და დანარჩენი მოსახლეობა მათი მონები არიან. არც მათი შვილები აღარ იქნებიან ქართველები. უმრავლესობა საზღვარგარეთ სწავლობს და ალბათ აღარც ჩამოვლენ. აბა აქ რა უნდათ გასართობი იქ აქვთ და მამები აქედანაც კარგად გაუგზავნიან ფულს.
აქ დარჩენილები ზოგი გალოთდა და მოკვდა, ზოგიც ნერვიულობას გადაყვა და ზოგიც ნარკომანად ჩამოყალიბდა. ყოველ დილით მეტადონის პროგრამაში მყოფები მივლენ ცენტრში, სადაც წამალს დალევენ და მერე მთელი დღე არიან გათიშულები. ასე მეორდება თვიდან თვემდე, სანამ ნარკოტიკი მთლიანად არ მოუღებს ბოლოს. ასე რომ საქართველოში მოსახლეობის ნახევარი ცხოვრების მაგივრად არსებობს. ყველაზე ცუდი ის არის რომ არავინ არ ფიქრობს გამოსავლის პოვნაზე.
* * *
დილის შვიდ საათზე ავდექი. ვივარჯიშე. ასე 8 საათზე გარეთ გამოვედი. ჯერ კიდევ არ ცხელა ისე ძლიერ, ამიტომ ამ პერიოდში ვსეირნობ ხოლმე. 10 საათამდე დაკეტილია ყველაფერი. მეეზოვები არიან მხოლოდ გამოსულები და ქუჩებს ასუფთავებენ. ისე გავიარე ვაჟა-ფშაველას პროსპექტის ნახევარი კაცი არ შემხვედრია. ვაჟას ძეგლთან ერთ-ერთი სახლის სადარბაზოს წინ ზონარებით შეკრული წიგნების საკმაოდ დიდი შეკვრა დავინახე და ახლოს მივედი. წიგნების გიჟი ვარ და ამიტომ გულგრილად ვერ ჩავუვლიდი. ეტყობა ვიღაცას სახლი დაელაგებინა, ძველი წიგნები შეეკრა და სადარბაზოსთან დაელაგებინა. იმ ვარაუდით ვინმე გამოივლის და წაიღებსო. შეკვრაში სულ სხვადასხვა თემატიკის წიგნები მოჩანდა ---დოსტოევსკი, ჩერნიშევსკი, გრ. აბაშიძე, რამდენიმე ფოტო ალბომი, საოჯახო მედიცინა და სხვა. ზემოდან წიგნებზე მაგრად შეკრული საქაღალდე დაედოთ. აი ბანტით რომ იკვრება გვერდიდან, ისეთი. საქაღალდეზე წაეწერათ, „ მზის პირამიდა “ , ხოლო ქვემოთ ეწერა