სათამაშო

1                                                       ს     ა     თ     ა     მ     ა     შ     ო
 
 
                  პატრულში   შეტყობონება   მოვიდა--- დილით ასე ათი საათისათვის ვაჟა-ფშაველას მე-7 და მე-3 კვარტლებს შორის მდებარე სკვერში 4 წლის ბავშვი დაიკარგა, რომელიც დედას ჰყავდა   სასეირნოდ გამოყვანილი.
                  პატრულის ეკიპაჟი სასწრაფოდ მივიდა ადგილზე და პირველი მოკვლევაც ჩაატარა. 25 წლის ახალგაზრდა გოგონა თვალცრემლიანი ყვებოდა თუ როგორ გაქრა ბავშვი.   ისე ამას გაქრობის მეტს ვერაფერს დაარქმევდა კაცი.
                      პატარა გვანცა დედას სკვერში გასართობად წამოეყვანა. ჯერ საქანელაზე აკატავა, შემდეგ აიწონა-დაიწონაზე და ბოლოს სასრიალო მოწყობილობაზე გადაინაცვლეს. სასრიალო ორ ნაწილად იყო გაყოფილი---წითელ და ლურჯი მილად, რომელსაც ერთი კიბე აერთიანებდა. კიბით ასული ბავშვი თვითონ ირჩევდა, შემდეგ რომელ მილში შესულიყო და ქვემოთ ჩამოსრიალებულიყო. თითოეული მილი ასე 3-4 მეტრი სიგრძის იქნებოდა და სპირალივით იყო დახვეული.თვალცრემლიანი გოგონა, რომელიც დედა აღმოჩნდა პატრულის თანამშრომელს უყვებოდა. თუ როგორ ჩამოსრიალდა ორჯერ გვანცა ლურჯი მილით და აი მესამედ რომ ავიდა
  წითელ მილში შესულა და აღარ ჩამოსრიალებულა. მოკლედ თვალსა და ხელს შუა გაქრა ბავშვი. გაგიჟებულ დედას გადაუტრიალებია იქაურობა, მაგრამ გვანცას ასავალ-დასავალს ვერც დედამ და ვერც სხვა იქ მყოფმა ადამიანებმა, რომლებიც ასევე შვილებს ასეირნებდნენ, ვერსად მიაგნეს.
                        პოლიციელებმა ყველაფერი გულდასმით დაათვალიერეს, ოქმი შეადგინეს და კრიმინალური პოლიციის თანამშრომლები გამოიძახეს.
                          კრიმინალური პოლიცია მოსვლისთანავე შეუდგა მუშაობას. ადგილის დათვალიერებისას წითელი მილის ძირში ნიჩბის ნაწილი იპოვეს რომელის ბავშვს სრიალის დროს ხელში ეჭირა. ეს იყო სათამაშო ნიჩბის ნაწილი, რომელიც რკალზე იყო გადაჭრილი. ეს იყო გაკეთებული ძალიან ბასრი საგნით და ერთი ხელის მოსმით. ეს ნაწილი ერთ-ერთმა კრიმინალისტმა მილის პირს დაადო. ის ზუსტად დაემთხვა მილის შესასვლელის რკალს.
                              ე. ი. რა სურათი იხატებოდა. ბავშვი რომელსაც ხელში ნიჩაბი ეჭირა, როდესაც მილში შეძვრა ეს ნიჩაბი მილის პირს მიადო და რაც გარეთ დარჩა, ვიღაცამ ან რაღაცამ ჩამოაჭრა. ორივე მილშიც რამდენიმეჯერ შეძვრნენ, თითო სანტიმეტრი გამოიკვლიეს, მაგრამ ვერაფერი განსაკუთრებული ვერ აღმოაჩინეს.
                              გამოიძახეს კინოლოგი. ძაღლმა სუნი აიღო და საქანელასა და აიწონა-დაიწონას რამდენიმე წრე დაარტყა, აი სასრიალოს კი სათოფედაც არ მიეკარა. როდესაც ძალით მიიყვანა პატრონმა კიბესთან საცოდავად დაიწყო წკმუტუნი და ყველანაირად ცდილობდა პატრონს ხელიდან გასხლტომოდა. ასე რომ ძაღლის მოყვანამაც ვერავითარი შედეგი ვერ გამოიღო.
                                ამოიღეს სკვერის ორივე მხარეს მდებარე ბანკების, აფთიაქების და სუპერ მარკეტების გარე პერიმეტრის გაკონტროლირებელი ვიდეო გადაღების კამერებიდან გადაღებული ვიდეო მასალა. მხოლოდ ერთ ვიდეოზე იყი ყველაზე ნათლად დაფიქსირებული თუ როგორ შედიოდა გვანცა წითელ მილში ჩამოსასრიალებლად, მაგრამ ბოლო წამს ყვითელი ავტობუსი ჩერდებოდა გაჩერებაზე და მთლიანად ფარავდა სკვერს. ავტობუსი 5-6 წამში იძვროდა ადგილიდან, მაგრამ ბავშვს ამის შემდეგ არც ერთი კამერა აღარ აფიქსირებდა. აი ზუსტად ეს დრო იყო გამოსაკვლევი, თუ ვინ იმყოფბებოდა ბავშვთან ახლოს.
                                მკაფიდ ჩანდა გვანცას დედა. აგრეთვე ორი ქალბატონი, რომლებიც მისგან რამდენიმე მეტრში იმყოფებოდნენ. ასევე სამი 5 წლამდე ასაკის პატარა ბავშვი. ყველანი დაკითხული იქნენ. პატარები მშობლების თანდასწრებით. ყველას ჩვენება გაჭრილი ვაშლივით ჰგავდა ერთმანეთს.       როგორ შევიდა გვანცა მილში და ქვემოთ აღარ ჩამოსრიალებულა. მხოლოდ ერთმა ქალბატონმა დაუმატა თავის ჩვენებას--- გვანცას მილში შეძრომისას ისეთი ხმა შემომესმა თითქოს წყალი ადუღდაო, მაგრამ ეს არაფერს იძლეოდა.