ჯინ ვებსტერი გრძელფეხება მამილო
ჯინ ვებსტერი
(1876-1916)
ჯინ ვებსტერი (სრული სახელი ალისა ჯეინ Gანდლერ ვებსტერი) დაიბადა ნიუ-იორკის შტატის ქ. ფრედონიაში, 1876 წლის 24 ივნისს. დედა, ანა მოფეტ ვებსტერი, მარკ ტვენის ძმისწული იყო, მამა - Gარლზ ლუთერ ვებსტერი მარკ ტვენის პარტნიორი და „ Gარლზ ლ. ვებსტერის საგამომცემლო კომპანიის" უიღბლო გამომცემელი.
1894-1896 წლებში ჯინ ვებსტერი ლედი ჯეინ გრეის პანსიონში სწავლობდა, 1897 წლიდან კი ვესარის კოლეჯში შევიდა, რომელიც 1901 წელს დაამთავრა. ბოლო კურსზე ის უკვე წერდა და ყოველკვირეულ გაზეთსა და ვესარის ალმანახში აქვეყნებდა მოთხრობებს. კოლეჯის დამთავრების შემდეგ ჯინ ვებსტერი ნიუ-იორკში ცხოვრობდა, თავს ჟურნალისტობით ირGენდა და მოთხრობებსაც აქვეყნებდა. მისი პირველი რომანი - „ როცა პეტი კოლეჯში შევიდა" - 1903 წელს გამოქვეყნდა. ვებსტერმა დაწერა რვა რომანი და აუარებელი გამოუქვეყნებელი მოთხრობა და პიესა. „ გრძელფეხება მამილო" მოგვითხრობს ობლის ამბავს, რომელიც უცნობმა ქველმოქმედმა კოლეჯში გაგზავნა. ამ ნაწარმოებმა დიდი წარმატება მოიპოვა და მალე ბესტსელერი გახდა. მოგვიანებით ჰენრი მილერმა იგი სცენისთვის გადააკეთა, შემდეგ კი ფილმიც გადაიღეს მერი პიკფორდის მონაწილეობით.
ჯინ ვებსტერს ძალიან უყვარდა მოგზაურობა. იგი მონაწილეობდა რეფორმატორულ მოძრაობაში, კერძოდ, ობოლთა თავშესაფრებისა და ციხის რეფორმების გატარებაში.
ჯინ ვებსტერი შვიდი წელი საიდუმლოდ იყო დანიშნული მდიდარ იურისტ გლენ ფორდ მაკკინზე, ნავთობის მაგნატ ჯონ ლუკა მაკკინის ვაჟზე. გლენს ცოლი ჰყავდა. მან განქორწინება მხოლოდ 1915 წლის ივნისში შეძლო და 7 სექტემბერს ჯინზე დაქორწინდა.
სწორედ ამ დროს სხვადასხვა ქვეყანაში უკვე ცნობილი იყო „ გრძელფეხება მამილო". ამავე წელს გამოიცა მისი რომანი „ ძვირფასი მტერი".
1916 წლის 10 ივნისს, საღამოს, ჯინ ვებსტერს შეეძინა ქალიშვილი ჯინ ვებსტერ-მაკკინი, მეორე დილით კი, მშობიარობის შემდგომი გართულების შედეგად იგი გარდაიცვალა.
ჩუქება
