ორჯერ ორი. 2 X 2

მაია ( მარინე) ქავთარაშვილი - სოციალურ მეცნიერებათა დოქტორი, პროფესორი, იმიჯმეიქერი და პრ-ტექნოლოგი... არა, ასე არა. ამჯერად არ მინდა ჩვეული რეგალიებით გაგეცნოთ - უბრალოდ გეტყვით, რომ 2015 წლის ზაფხულში, ივნისის თვეში პირველად დაიწყო ჩემი რომანი რომანებთან. რატომ, როგორ და როდემდე - ეს არ ვიცი! უბრალოდ დავჯექი, დავალაგე კლავიატურაზე თითები და დავიწყე - ვწერდი ყოველდღე. ვწერდი ღამეც და ვწერდი გაუჩერებლად მთელი ერთიო თვე... ვწერდი და ვუზიარებდი ჩემს მეგობრებს. ისინი აღფრთოვანებულ კომპლიმენტებს არ იშურებდნენ და მეც ვაგრძელებდი. ასე დაიწერა ეს ჩემი პირველი რომანი - „ორჯერ ორი“ - მისტიური ამბავი ორ განზომილებაში... დღეს ის თქვენს სამსჯავროზე გამომაქვს. რომანს არ გაუვლია რედაქტორის მახვილი მზერის ქვეშ. მეტსაც გეტყვით - მე ის არ გადამიკითხავს. უბრალოდ არ შემიძლია, სანამ თქვენ მას არ წაიკითხავთ! თითქოს ასეთია კარნახი იქიდან, საიდანაც ეს რომანი დამაწერინეს. გამოგიტყდებით და, სხვას უკვე ზაფხულის მერე ვერაფერს ვუდებ გულს - მხოლოდ ვწერ! უ მაქვს ამის გარდა ოთხი რომანი. ორი რუსულ ენაზე. ასევე ლექსები რუსულად და ქართულად. ვამზადებ ზღაპრებს. ასე მგონია, ზღაპარს გიყვებით და ეს მე არ ვარ - სოციალურ მეცნიერებათა დოქტორი, პროფესორი, ტექნოლოგი, ტრენერი და საერთოდ, ერთდროს ძალიან დალაგებული, საქმიანი და მოუცლელი. დღეს კი მხოლოდ რომანებსა და ლექსებზე გადართული ბილინგვისტი მწერალი, თუ პოეტი, თუ უბრალოდ დროებით, დროსა და სამყაროს სიჩუმეში გაჩერებული მე!