მიხეილ ჯავახიშვილის "უბის წიგნაკებიდან" – ქრონოლოგიურად დალაგებული ფრაგმენტული ჩანაწერები – ის უნიკალური მასალაა, რომელიც ჩაძიებას, ჩაღრმავებას, ამოცნობას, შესწავლას საჭიროებს და აფართოებს დაინტერესებული მკითხველის თვალსაწიერს. მწერალი სრულიად შეგნებულად და მიზანმიმართულად ქმნიდა თავის ჩანაწერებს. თავადვე აღნიშნავდა: "დღეში ათიოდე აზრს, ნახულს და გაგონილს ვიწერ უბის წიგნაკში. ეს ამბავი ჩვენს მწერლებს სასაცილოდ არა ჰყოფნისთ. ასე იცინიან ზულუსები და ბუშმენებიც, როცა ევროპიელი კბილებს იხეხავს".