ისტორია, რომელსაც ამ ნოველის კითხვის დროს გაეცნობით, გაჩვენებთ ხელოვანი ადამიანის მიერ დანახულ სამყაროს, ხელოვანი ადამიანისა, რომელიც საქართველოში ცხოვრობს, დაინახავთ პრობლემებს, რომლებიც ახალგაზრდა, მწერლებს, მხატვრებს, პოეტებს აწუხებთ, გაიცნობთ მათ სამყაროს, წიგნის ძირითადი იდეა, ადამიანის თავისუფლებას ეხება, ჩარჩოების დარღვევას და საკუთარი მეს გამოთავისუფლებას, წიგნი გვაჩვენებს თუ რაოდენ მნიშვნელოვანია იყო ის ვინც ხარ, არ დაკარგო საკუთარი მე, ასევე დაინახავთ და იგრძნობთ ისე, როგორც ზურა მესხი (მთავარი პერსონაჟი) და მის ირგვლივ მყოფი ადამიანები ხედავენ და გრძნობენ. ეს ნაწარმოები ჩემი სადებიუტო ნამუშევარია და მაშინ დაიწერა, როდესაც ცხრამეტი წლის ვიყავი და თავის აუწევლად ვწერდი, ასე, რომ ვთქვათ ერთი ამოსუნთქვითაა დაწერილი და ყველა ემოციას და გრძნობას გამხატავს, რომელსაც იმ მომენტში განვიცდიდი.