1-20 ოსტატი-შეგირდს;
ყველაფერი დამოკიდებულია იმაზე,
თუ რას გააკეთებ და როგორ მოიქცევი.
შენს ყველა ქმედებას მოჰყვება შედეგი,
რომელსაც ან გამოასწორებ და ან ვეღარ.
1.
არ მიფიქრია ადრე არასდროს
ბედმა თუ ვის რა მისცა,
ოთხ კედელში ვარ გამოკეტილი
სული კი ზეცას მისწვდა.
2.
წარმოიდგინე რა მოხდებოდა
ღმერთს რომ გაეყო ასე;
მშვიდობისმსურველთ ცალკე ეცხოვრათ
ომისმსურველთ კი ცალკე.
3.
ჩვენს დედამიწას უახლოვდება
რაღაც განგების ძალით,
მსგავსი პლანეტა ახლოს ჩაუვლის
იღება ზეცის კარი...
4.
ბრუნავს მორევი, როგორც ტორნადო
და მათ იტაცებს ზევით,
ვისაც გული აქვს ჯერ კიდევ სუფთა
და სიყვარული შვენის.
5.
ვინც იტანჯება ამ ქვეყანაზე
ძალმომრეობის ცქერით.
ისე იზიდავს, როგორც მაგნიტი
მხოლოდ მშვიდობისმსურველთ.
6.
დაბლა კი რჩება ვინც სულს ნიადაგ
ძალადობით და სიხარბით კვებავს,
ცოდვა ამძიმებს და ის სიამეს
მხოლოდ ომში და ბრძოლაში ხედავს.
7.
ასე გაიყო ორმა პლანეტამ
ადამიანი გულის მიხედვით
პირველზე დარჩა ბოროტება
მეორეზე კი მხოლოდ სიკეთე.
8.
მოდი ვნახოთ, თუ რა მოხდება...
რადგან სიკეთე ცოტა იყო,
პლანეტა ,,2''-ზე ორ მილიარდზე ოდნავ მეტი
კაცი, ქალი და ბავშვი მოხვდა.
9.
პლანეტა ,,1''-ზე ხუთ მილიარდზე ოდნავ
ნაკლები მცხოვრები დარჩა
და ჩვეულებრივ გაგრძელდა ისევ
ერთმანეთის და ბუნების ძარცვა.
10.
სისხლისმღვრელი ხელები
ვერ ძღებიან სისხლისღვრით,
მათი ხარბი თვალები
ვერ ძღებიან სიმდიდრით.
11.
განცხრომაში ათევენ
ღამეს ცოდვით გაჟღენთილს,
ძალადობას აფრქვევენ
როგორც ტყვიამფრქვევები,
12.
მათი ბილწი პირები
ლანძღვასა და გინებას
ტყვიასავით ისვრიან,
ჭამასავით ადვილად
კაცის მოკვლა იციან.
13.
არასდროს ანაღვლებდათ
გაჭირვება სხვისი,
უფრო მეტიც, დაჩაგვრა
მათ მოსწონდათ მისი.
14.
ომის გამჩაღებლები
იმდენ ოქროს იხვეჭენ...
არ სჭირდებათ ამდენი,
თავად ვერ მოიხმარენ.
15.
თუმცა ახლა მათ შორის
აღარ დარჩა მართალი
და ერთმანეთს ჟლეტავენ
მეკობრე და ყაჩაღი.
16.
ძალადობით აივსო
ქალაქები სოფლები,
არც დღითა და არც ღამით
არ შემწყდარა ომები.
17.
დახოცილთა გვამებით
დაიფარა ქუჩები.
აქ ღმერთს არვინ მოუხმობს,
რადგან იგი არა სწამთ,
აბიჯებენ გულგრილად
აგრძელებენ მათ ძარცვას.
18.
ნეტავი თუ იციან;
რისთვის ჟლეტენ ერთმანეთს
დევიზად გაუხდიათ;
თუ არ მოკლავ, მოგკლავენ.
19.
ძარცვა გასაგებია, მაგრამ
რისთვის წვალობენ,
ნაძარცვს ვერ მოიხმარენ,
მოვა სხვა და წაართმევს.