მარინა ცვეტაევამ "მე მომწონს..." 23 წლის ასაკში დაწერა – 1915 წლის 3 მაისს. მას შემდეგ კი არაერთი პოეტი, ლიტერატორი, მთარგმნელი, უბრალოდ მისი პოეზიის თაყვანისმცემელი შეეცადა თავის ენაზე აემეტყველებინა ეს შედევრი. სხვადასხვა დროს ცვეტაევას ლექსის ქართული ვერსიები შექმნეს: ვახუშტი კოტეტიშვილმა, თეიმურაზ ქურდოვანიძემ, ჟუჟუნა ხაჯიშვილმა, მარიამ წიკლაურმა, ნინო ქოქოსაძემ, ბესო ხომერიკმა, ვასილ გულეურმა, ნათია ორმოცაძემ, მაია ჯალიაშვილმა, რუსუდან ჭანტურიშვილმა, ქეთი თუთბერიძემ, ანი კოპალიანმა, კესო მუშკუდიანმა, კატო ჯავახიშვილმა, მანანა ნებიერიძემ, რობერტ მესხმა, გვანცა ჯობავამ, ნინო ნადირაძემ, სალომე ბენიძემ, თამარ რუხაძემ. კრებულს ერთვის ზაზა აბზიანიძის წინასიტყვაობა "ფატალური მინიშნებანი".