უბედურმა შემთხვევამ პატარა გოგონა იმსხვერპლა. შვილის სიკვდილს არ ეგუება მისი დედა, ახალგაზრდა ბიოლოგი ნათელა მთვალიძე. იგი მზადაა გამოიყენოს თავისი უნიკალური, ჯერ-ჯერობით საიდუმლო კვლევათა შედეგები და მოახდინოს შეუძლებელი: თავისი ნაშიერი მოაბრუნოს იმ ქვეყნიდან. მისი ლაბორატორიის სათავო დაწესებულებაში - კალიფორნიის ტექნოლოგიურ ინსტიტუტში, ეს ფარული ინფორმაცია, უყურადღებობის გამო, უცხო ქვეყნის მზვერავს ჩაუვარდა ხელთ. ამ ჯაშუშის სახელმწიფოს არ აწყობს მოვლენათა ასეთი განვითარება და იგი ეწინააღმდეგება მომავალი გაუგონარი ექსპერიმენტის განხორციელებას. თავის იარაღად მან ზნედაცემული რელიგიის მსახური და ასევე გადაგვარებული უშიშროების თანამშრომელები აირჩია. თუმცა, ნათელას ქმარი გივი, არ აპირებს ვინმეს დააჩაგვრინოს საკუთარი ოჯახი. იგი, საბრძოლო წვრთნა და ომგამოვლილი ადამიანი, მზადაა გამოიყენოს თავისი ჯარისკაცული გამოცდილება და უვნებელყოს მტრები.