ირაკლი ჯავახაძის მოთხრობებს მკითხველი კარგად იცნობს. ამ მწერალმა გამოჩენისთანავე მიიპყრო ყურადღება და მკითხველს თავი ნამდვილი, ადამიანური ამბების თხრობით დაამახსოვრა. კრებულში შესულია მოთხრობები: "კოლია", "თავიდან ბოლომდე მოგონილი ამბავი" და "ადამიანი ზერო". ამ მოთხრობების გმირებში ნებისმიერმა ჩვენგანმა შეიძლება ამოიცნოს თავი, ნაცნობი ტკივილებით, მარცხითა და გამარჯვებებით, სიყვარულითა და უსიყვარულობით. ირაკლი ჯავახაძე კარგი მთხრობელია, მისი ამბის შინაგანი ენერგია მუდამ გადამდებია და შთამბეჭდავი.