წიგნის ავტორი დაიბადა და გაიზარდა შატილში. ამჟამადაც იქ ცხოვრობს და ეწევა პედაგოგიურ მოღვაწეობას. ნაშრომში მან მიმზიდველად და ცოცხლად დახატა შატილიონთა ყოფა-ცხოვრება და მომხვდურებთან ბრძოლა წარსულ საუკუნეებში, გადმოსცა საკუთარი თვალით ნანახი და განცდილიც. წიგნი დაიწერა ძირითადად მომავალი თაობისთვის, რომელიც ვერ მოესწრო ტრადიციულ ხევსურულ საზოგადოებას, ადათ-წესებს, ეთნოგრაფიულ ყოფას, ამიტომ მას განსაკუთრებული მნიშვნელობა აქვს ჩვენი წარსულის შესწავლისთვის. წიგნი დიდ სამსახურს გაუწევს მოგზაურებს და სხვადასხვა დარგის სპეციალისტებს.