ავტორის შესახებ
ერთხელ მაქს მესმერს დედამ უთხრა, რომ უკვე დრო იყო, საკუთარი თავი ერჩინა და სამსახური ეშოვა. 11 წლის მაქსმა ქალის სამაჯურების კეთება დაიწყო. იგი მათ მეგობრებში, მეზობლებში, სტუდენტებსა და მასწავლებლებშიც კი ყიდდა. მაქსი საქმიანობამ ისე გაიტაცა, რომ სწავლას დროს აღარ უთმობდა, რის გამოც დედამ საქმის გაგრძელება აუკრძალა და აიძულა, სწავლას დაჰბრუნებოდა.
სამაგიეროდ მაქსმა ისწავლა, რომ არაფერი ხდება გაყიდვის გარეშე და არც სამსახურის ძებნის პროცესია ამ მხრივ გამონაკლისი. არავინ იცის შენი შესაძლებლობები, სანამ გაყიდვის უნარს ექსპერტივით არ დაეუფლები (მისი თქმით, დღეს რომ იმ სამაჯურების ნახვა შეგვეძლოს, მივხვდებოდით, თუ რა შეუძლია გაყიდვის ნიჭს).მესმერს მიაჩნია, რომ გაყიდვის ნიჭის უქონლობა სამსახურის მძებნელთა ყველაზე ხშირი პრობლემაა.
დღეს მაქს მესმერი ღობერტ Half International Inc. (RHI)-ის თავმჯდომარე და აღმასრულებელი დირექტორია, ორგანიზაციისა, რომელიც სპეციალიზებული კადრებით დაკომპლექტების, სამსახურის ძებნისა და კარიერის მართვის მსოფლიო ლიდერია.
მესმერს დაწერილი აქვს კრიტიკოსების მიერ აღიარებული არაერთი წიგნი, რომელთა შორისაა `ადამიანური რესურსების სახელმძღვანელო მარტივად~ (ჭილეყ, 1999), `კადრების დაქირავების სწრაფი სამაგისტრო კურსი~ (ჟოჰნ ჭილეყ & შონს, Iნც., 1998), `50 გზა დასაქმებისთვის~ (William Morrow & Co., Inc., 1994), `ევროპის კადრებით დაკომპლექტება~ (Acropolis Books Ltd., 1991). მესმერის ექსპერტიზა გამოყენებულია ისეთი ცნობილი გამომცემლების მიერ, როგორებიცაა Fortune, Forbes და wall Street Journal. მისი თანაავტორობით გამოცემულია ასობით სტატია სამსახურის ძებნაზე, დასაქმებასა და მენეჯმენტზე.
ღობერტ Half International (RHI)- ი ნიუ-იორკის აქციების ბაზარზე ყველაზე გაყიდვად 1000 ფირმას შორის, ჟურნალ Fორტუნე-ის მიერ პირველ 1%-ში დასახელდა. ნომინაციის საფუძველს 1998 წლის 31 დეკემბრამდე 5-წლიან პერიოდში ინვესტორთა მოგება წარმოადგენდა. მესმერის ორგანიზაცია კადრებით დაკომპლექტების ერთადერთი კომპანიაა, რომელიც ასეთ მაღალ პოზიციაზე დასახელდა. RHI ასევე ერთადერთია იმ 31 კომპანიას შორის, რომელიც იმავე კრიტერიუმით ჭალლ შტრეეტ ჟოურნალ-ის საპატიო დაფაზე მოხვდა, ხოლო ახლახან ჟურნალ Fortune-ის მიერ გამოქვეყნებულ სიაში `ამერიკის ყველაზე მიმზიდველი კომპანიები~ იგი დასახელდა ნომერ პირველ ორგანიზაციად კადრებით დაკომპლექტების სფეროში.
კომპანია 1948 წელს დაფუძნდა და მისი დროებითი, სრული განაკვეთით და პროექტებისთვის გათვალისწინებული დაკომპლექტების სერვისები მოიცავს Accoutntempts, Robert Half და RHI მენეჯმენტის რესურსებს – ბუღალტერიისა და ფინანსებისთვის; RHI Consulting-ს ინფორმაციული ტექნოლოგიებისთვის, საოფისე გუნდს მაღალკვალიფიციური საოფისე მხარდაჭერისთვის, აფილირებულ კომპანიებს იურიდიული საკითხებისთვის და კრეატიული გუნდის პროექტების კადრებით დაკომპლექტებისთვის, რეკლამირებისთვის, მარკეტინგისა და ვებგვერდების დიზაინისთვის. კომპანია კლიენტებს მსოფლიო მასშტაბით 240 ფილიალის მეშვეობით ემსახურება, ხოლო სამსახურის ძებნის ელექტრონულ მომსახურებას თავისი ვებგვერდების მეშვეობით სთავაზობს. მათი ნახვაც შეგიძლიათ შემდეგ მისამართზე: www.rhii.com
მესმერი ჟურნალ ჩჰიეფ Eხეცუტივე-ის მიერ 4-ჯერ ზედიზედ დასახელდა 100 საუკეთესო აღმასრულებელ დირექტორს შორის ქვეყნის მასშტაბით. ის არის რამდენიმე მსხვილი კორპორაციის დირექტორთა საბჭოს წევრი, რომელთა შორისაა Airbrone Freight Corporation, HHHealth Care Property Investors, Inc. და Speiker Properties, Inc. უკანასკნელ ხანს მესმერი მუშაობდა ჩრდილოეთ კაროლინის შტატის ეროვნული ბანკის და სამხრეთ კალიფორნიის გაზის კომპანიის საბჭოში. პრეზიდენტ რეიგანის მმართველობისას მესმერი მუშაობდა პრეზიდენტის მრჩეველთა კომიტეტში სავაჭრო მოლაპარაკებების განხრით. მესმერმა წარჩინებით დაამთავრა ლოიოლას უნივერსიტეტი და საპატიო წოდებით დაამთავრა ნიუ-იორკის უნივერსიტეტის იურიდიული სკოლა.
ჩუქება
