ელგუჯა მარღია - პოეტი, ჟურნალისტი, მთარგმნელი, საზოგადოებასთან ურთიერთობის სააგენტო "პროფილის" დამფუძნებელი, საკონსულტაციო ჯგუფის ხელმძღვანელი, საინფორმაციო ანალიტიკური პორტალი "ქართული ბრენდის" მთავარი რედაქტორი; 1978 წლიდან იბეჭდება სხვადასხვა ლიტ. გაზეთებსა და ჟურნალებში; არის სამი პოეტური კრებულისა და ორი თარგმანთა კრებულის(ელ.წიგნების) ავტორი; არის "მე-20 საუკუნის ქართული პოეზიის ანთოლოგიის" (რუსული გამოცემა) ერთ-ერთი ავტორი; არის " საქართველოს ახალგაზრდული პოეზიის ანთოლოგიის" ერთ-ერთი შემდგენელი და ავტორი; გამოსცა პირველი ქართულენოვანი "საზოგადოებასთან ურთიერთობის სამაგიდო ენციკლოპედია" 2013 წელს თბილისის მერიის კულტურის საქალაქო სამსახურის დაფინანსებით გამოსცა სამტომეული "ხსოვნის ნათელი", სადაც შესულია 225 გარდაცვლილი ავტორის შემოქმედება; ასევე არის საინფორმაციო ანალიტიკური პორტალი "ქართული ბრენდის" ავტორი და მთავარი რედაქტორი; არის ქართული კომპანიების(ბრენდების) ყოველწლიური დაჯილდოების ცერემონიალის - "ქართული ბრენდის დღე" - ავტორი და ორგანიზატორი; ეს არის წარმატებული და გახმაურებული პროექტი, რომელიც ტარდება ყოველი წლის ბოლოს. დაჯილდოვებულია მწერალთა კავშირის ახალგაზრდული პირველი პრემიით; დაჯილდოვებულია თბილისის მერიის, ახალგაზრდობის საქმეთა თბილისის სამმართველოსა და წიგნის მოყვარულთა კავშირის "ბესტსელერის" მიერ გამოცხადებული ლიტ. კონკურსის მეორე პრემიით; მიღებული აქვს აფხაზეთის ა/რ განათლებისა და კულტურის სამინისტროს პირველი პრემია; არის ლიტერატურული პრემია "საბას" 2012 წლის ნომინანტი.