გოჭი სილოვანი შავი ხვრელის წინააღმდეგ

ეს ზღაპარი ლოგიკური გაგრძელებაა ზღაპრისა „გოჭი სილოვანი კატების ქვეყანაში“. დედამიწის მსგავსი შორეული პლანეტა გონიერი ცხოველებითაა დასახლებული. კატების პატარა სამეფო, რომლის ცხოვრებაში აქტიურად მონაწილეობს განდევნილი მურმურ–ფაშას ტახტზე ასული ახალი ხელმწიფის საგანგებო მრჩეველი გოჭი სილოვანი, ორი დიდი სამხეცე-სამფლობელოს – ფაფარაშლილი ლომებისა და ბუმბერაზი ყვითელი ვეფხვების – ქიშპობისა და ჭიდილის საგანი ხდება. გოჭის მოვალეობაა მისი ახალი სამშობლო როგორმე გადაარჩინოს. ამ დროს ერთი მეცნიერის ბოროტი ძალისხმევის შედეგად პლანეტაზე ხელოვნური შავი ხვრელი ჩნდება და უკვე არა მარტო კატების ქვეყანა – მთელი პლანეტაა გასაჭირში... განკუთვნილია როგორც მოზარდებისთვის, ისე უფროსი თაობის მკითხველთათვის.