თანამედროვე ადამიანი, ქალი თუ მამაკაცი, წარმოუდგენელია არ იყოს დამოკიდებული მოდის ტენდენციებზე. მოდურ მიმდინარეობებს ვითვალისწინებთ სამოსის, ტექნიკის, სახლის და მანქანის შეძენისას, ინტერიერის გასაფორმებლად. თუმცა, ყველაზე მეტად, რასაკვირველია, მოდა სამოსს ეხება. თუ მოდის სპეციალისტებს ვენდობით, მთავარია, ადამიანს გემოვნებით ეცვას და უხდებოდეს ის, რაც აცვია. და კიდევ, უნდა იცოდეს კიდევ ერთი საიდუმლო: არსებობს ისეთი სამოსი და აქსესუარები, რომლებიც არასდროს კარგავს აქტუალურობას.