რატომ 10 ლარი?
ექიმთან ვიზიტი 25-დან 70 ლარის ჩათვლით ღირს, მაგრამ ამ ინფორმაციას სრულად ვერც ერთი მათგანისგან ვერ მიიღებ. ამაოდ ვცდილობდი გამომეგლიჯა მათთვის ჩემთვის საინტერესო ინფორმაცია. მათ ამდენი დრო არა აქვთ. არადა რამდენი მათგანი მოვიარე... ინტერნეტშიც ისეთს ვერაფერს მივაგენი მე რომ დამეხმარებოდა. ამ შემთხვევაში იმ პაციენტებს დიდი დახმარების გაწევა შეუძლიათ ვინც უკვე გაიარა ეს გზა და შეუძლია თავისი გამოცდილება დაინტერესებულ პირს გაუზიაროს. ეს არის გამოცდილება, რომელიც დიდი წვალების შედეგად, დაკარგული ჯანმრთელობის, უამრავი დროის, ნერვების და ცრემლის... ნაწილ-ნაწილ და შეცდომების ფასად, დამიგროვდა. გადავწყვიტე ეს ყველაფერი მოკლედ დამეწერა და იმ პაციენტებისთვის ხელმისაწვდომი გამეხადა, ვისაც ის ძალიან სჭირდება, ვისაც ახლა უწევს იმ გზის გავლა, რომელიც მე უკვე გავიარე. დღევანდელი ლარის გაუფასურების პირობებში 10 ლარი მგონი არც ისე ბევრია, თუ ყველა შენს კითხვას პასუხს გავცემ, რაც ამ წიგნის სათაურის ქვეშ მოიაზრება. ეს ინფორმაცია ან გჭირდება ან არა. თუ გჭირდება სწორედ ისაა, რასაც ეძებ. გაითვალისწინე რომ წიგნში აღწერილია ფარისებრი ჯირკვლის კიბოს მკურნალობის არსებული მეთოდი.