საქართველოს იუსტიციის სამინისტროს ეროვნულ არქივში გამოფენა „ლესია უკრაინკა და საქართველო" გაიხსნა. გამოფენა გამოჩენილი უკრაინელი პოეტისა და საზოგადო მოღვაწის ლარისა კოსაჩის, რომლის ფსევდონიმია ლესია უკრაინკა, დაბადებიდან 140 წლისთავს მიეძღვნა. ლესია უკრაინკას ცხოვრება და შემოქმედებითი გზა უწყვეტად უკავშირდება საქართველოს. აქ პოეტი, პერიოდულად, 10 წლის განმავლობაში ცხოვრობდა და მუშაობდა. ბათუმში, თბილისში, თელავში, ხონში, ქუთაისში ცხოვრებისას მან საუკეთესო დრამატული ნაწარმოებები შექმნა - „ტყის ზღაპარი", „ქვის ბატონი", „რუფინი და პრისცილა". "" “რა საინტერესო, რა საუცხოო მხარეა საქართველო, რა სიმამაცე და გმირობა უნდა ჰქონოდა ერთ მუჭა ხალხს, რომ გადარჩენოდა ამდენ საშინელ ქარტეხილსა და უბედურებას. მე რომ უკრაინელი არ ვიყო, ვისურვებდი ქართველი ვყოფილიყავი”