ეს ადამიანები ცნობილი და წარმატებული მილიარდერები არიან. უმრავლესობამ კარიერა და ფულის შოვნა ნულიდან დაიწყო. მას შემდეგ, რაც კარიერულ პიკს მიაღწიეს და უმდიდრესთა შორის დაიგულეს ადგილი, ბევრმა მათგანმა სოლიდური თანხები გაიღო ქველმოქმედებისთვის, არც რჩევები და რეკომენდაციები დაიშურეს მათთვის, ვინც ახლა იწყებს ამა თუ იმ სფეროში საქმიანობას ან ვინც უკვე მიაღწია თუნდაც მცირე წარმატებას. ყველა მათგანს სხვადასხვაგვარი რჩევა აქვს, ისევე, როგორც სიმდიდრის მოპოვებისა და წარმატების მიღწევის სხვადასხვა გზა. მათი აზრების გაცნობა უდავოდ საინტერესოა, მათი გამოცდილება და რჩევები დამაფიქრებელი. დამწყებ თუ უკვე წარმატებულ ბიზნესმენებს კი შეუძლიათ, ფავორიტი ამოირჩიონ ამ ადამიანებს შორის და მათ რჩევებს ენდონ.