ავტორისგან 2011 წლის აპრილში კოლუმბიის უნივერსიტეტთან არსებულ ჰარიმანის ინსტიტუტში (ნიუ-იორკი), ჩემი თაოსნობითა და ამერიკაში მოქმედი "ქართული დემოკრატიული და პოლიტიკური კლუბის" შემწეობით, მოეწყო ფოტოგამოფენა "ქართველები ამერიკაში" (იქამდე მსგავსი გამოფენა მოეწყო თბილისში, ეროვნულ ბიბლიოთეკაში). ეს ექსპოზიცია მხოლოდ ნაწილი იყო ფოტომასალისა, რომელიც წინამდებარე ნაშრომშია ჩართული. ფოტოების გარდა წიგნში თავმოყრილია ცნობილ ამერიკელ ქართველთა ბიოგრაფიული ცნობები, რომლებსაც წლების განმავლობაში ვაგროვებდი.
წიგნის მომზადებისას გაწეული დახმარებისა და თანადგომისთვის დიდ მადლობას ვუხდი ქართული ემიგრაციის ისტორიის დაუღალავ მკვლე ვარს რუსუდან დაუშვილს; ივანე ჯავახიშვილის თბილისის სახელმწიფო უნივერსიტეტის ქართული ემიგრაციის მუზეუმის თანამშრომლებს რუსუდან კობახიძეს და დოდონა კორსანტიას; ასევე – გოგი ანდრონიკაშვილს, ლუარ საბ ტოგონიძეს, ივლიტა და ნინო ჯორჯაძეებ ს, გოჩა ჭკადუას, კაკო გელაშვილს, ოთარ ჯანელიძეს, საქართველოს საავიაციო უნი ვერსიტეტის ხელმძღვანელობას და ბაკურ სუ ლაკაურს, რომლის გარეშეც ეს გამოცემა არ შედგებოდა.
წიგნში წარმოდგენილი ფოტომასალა დაცულია ქართული ემიგრაციის მუზეუმში, გურამ შარაძის, ამირან ცამციშვილისა და სხვათა კერძო კოლექციებში.
ჩემი დიდი სურვილისა და მცდელობის მიუხედავად, სამწუხაროდ, ვერ მოხერხდა ზოგიერთი ფოტოს საავტორო უფლების მფლობელის ვინაობის დადგენა და მასთან დაკავშირება. გამოხმაურების შემთხვევაში, მზად ვარ, გამომცემლობასთან ერთად ვითანამშრომლო მათთან და დავიცვა მათი საავტორო უფლებები.
წიგნი ეძღვნება ყველა ქართველს, ვინც ჩვენი ქვეყნის ფარგლებს გარეთ ცხოვრობს, მუშაობს და მოღვაწეობს, უპირველესად კი ჩემს ქალიშვილებს – სალომეს და ნინოს.
ჩუქება
