სერიის ამ ტომში მოთხრობილია ჰოლდინგ LVMH-ის მფლობელის ბერნარ არნოს შესახებ. „ძვირადღირებული ბრენდების კოლექციონერი“ – ასე უწოდებენ მას ახლობლები და ამბობენ: „მაღალი მოდისკენ მისასვლელი ყველა გზა გაგვიხსნაო“. წლების წინ ფრანგმა მილიარდერმა გარისკა, მემკვიდრეობით მიღებული სამშენებლო კომპანია გაყიდა და გაკოტრების პირას მყოფი ბრენდების შესყიდვა დაიწყო. მან გადაწყვიტა, შეექმნა არა ახალი მარკა, არამედ უკვე არსებული დაეხვეწა და გაეუმჯობესებინა. ბერნარ არნოს მცდელობა წარმატებით დასრულდა და დღეს მსოფლიოში ცნობილი მრავალი ბრედი მისი კუთვნილებაა.